Nuwe Verbond.indd - Aramaic Peshitta Bible Repository

1 Korinthiërs
3 maar as iemand God liefhet, dié word deur Hom geken.
4 Aangaande kos daarom, wat aan afgode geoffer is, weet ons dat ‘n afgod niks in die
Deut 6:4
wêreld is nie en dat daar geen ander God is nie, behalwe Een,
5 want al is daar ook sogenaamde “gode,” of dit in die hemel en of dit op die aarde is,
soos daar dan ook baie “gode” en baie “meesters” is,
6 is daar vir ons Een God-die-Vader, vanuit wie alles is en ons is in Hom en een ,
Yeshua, Die Gesalfde Een, want alles is deur Hom en ook ons is in Sy hand.
7 Nie almal het dié kennis nie. Meer nog, sommige wat nou nog bewus is van die
afgod, eet dit as ‘n afgodsoffer en hulle gewete, wat swak is, word besoedel,
8 maar kos bring ons nie nader aan God nie, want as ons eet, baat ons niks nie en as
ons nie eet nie, verloor ons niks nie.
9 Wees versigtig dat hierdie sterkte van julle nie miskien ‘n struikelblok word vir die
wat swak is nie,
10 want as iemand jou wat kennis het, aan tafel sien in ‘n afgodstempel, sal sy gewete,
as hy ‘n swak man is, nie aangemoedig word om van die kos wat aan die afgode
geoffer is te eet nie?
11 Moet die swak broer vir wie Die Gesalfde Een gesterf het, vernietig word deur jou
kennis?
12 As jy op dié manier jou broers onderdruk en op hulle gewete wat swak is trap,
sondig julle teen Die Gesalfde Een.
13 Daarom, as kos my broer laat struikel, sal ek vir ewig geen vleis eet nie, om nie
sonde na my broer toe te bring nie.
9 1 Is ek nie vry nie? Is ek nie ‘n afgevaardigde nie? Het ek Yeshua, Die Gesalfde
Een, ons Meester, nie gesien nie? Is julle nie my werk in my Meester nie?
2 As ek nie vir ander ‘n afgevaardigde was nie, is ek dit vir julle; en julle is die seël
op my amp as afgevaardigde.
3 My antwoord vir die wat my beoordeel, is dít:
4 Hoekom mag ons nie eet en drink nie?
5 Is dit nie reg vir ons om ‘n suster as vrou met ons saam te vat op reis, soos die ander
afgevaardigdes, die broers van ons Meester en Kefa nie?
6 Of is dit net ek en Bar-Nabba wat nie die outoriteit het om nie hande-arbeid te doen
nie?
7 Wie baklei in ‘n oorlog op eie koste? Wie plant ‘n wingerd en eet nie van sy vrug
nie? Of wie pas ‘n kudde op en gebruik nie van die melk van die kudde nie?
8 Sê ek dit miskien menslikerwys? Let op, die geskrewe wet sê ook hierdie dinge,
9 want in die geskrewe wet van Moshe is geskryf: “Jy mag nie ‘n os wat besig is om
te dors, muilband nie.” Deut 25:4 Is dit oor osse wat God besorg is?
10 Dit word verstaan dat Hy dit vir ons onthalwe sê en dit vir ons geskryf is, omdat hy
wat ploeg, met versekerde verwagting moet ploeg en hy wat dors, met versekerde
verwagting vir ‘n oes.
11 As ons geestelik by julle gesaai het, is dit ‘n groot ding as ons van die fisiese vanaf
julle sal oes?
264