Nuwe Verbond.indd - Aramaic Peshitta Bible Repository

16 want op dié manier het God die wêreld liefgehad: Só, dat Hy Sy enigste uniekgebore
Seun opgegee het sodat elkeen wat in Hom vertrou, nie verlore sal wees nie, maar
die ewige lewe sal hê,
17 want God het nie Sy Seun in die wêreld gestuur om die wêreld te veroordeel nie,
maar sodat Hy lewe aan die wêreld kan gee deur Sy hand.
18 Wie ookal in Hom vertrou, word nie geoordeel nie, maar hy wat nie vertrou nie, is
nou alreeds veroordeel, omdat hy nie vertrou het in die Karakter en Outoriteit van
die enigste Uniekgebore Seun van God nie.
19 Dit is die veroordeling: Die Lig het in die wêreld gekom en die mense het die
duisternis eerder liefgehad as die Lig, want hulle dade was boos,
20 want elkeen wat doen wat haatlik is, haat die Lig en kom nie na die Lig nie sodat
sy dade nie veroordeel kan word nie,
21 maar hy wat die waarheid doen, kom na die Lig sodat sy dade openbaar kan word,
dat hulle deur God gedoen is.”
Yes 59:2
Yoganan
22 Na hierdie dinge het Yeshua en Sy studentevolgelinge na die streek van Y’hudah
gegaan en daar het Hy saam met hulle gewerk en gedoop,
23 maar Yoganan was ook besig om te doop in Einayim, langs Shalem, omdat daar
water was en baie mense aangehou kom het en gedoop is,
24 want Yoganan was nog nie in die tronk gegooi nie.
25 Daar het tussen ‘n studentevolgeling van Yoganan en ‘n sekere Jood ‘n strydvraag
ontstaan oor die seremoniële reiniging
26 en hulle het na Yoganan gekom en vir hom gesê: “Leermeester, Hy wat saam met
u oorkant die Yarden was, van Wie u getuig het, let op, Hy doop ook en baie gaan
na Hom toe.”
27 Yoganan antwoord en sê vir hulle: “’n Mens kan niks ontvang uit sy eie wil,
behalwe as dit vir hom uit die hemel gegee is nie.
28 Julle is my getuies dat ek gesê het: ‘Ek is nie Die Gesalfde Een nie, maar ek is een
wat voor Hom uitgestuur is.
29 Hy wat die bruid het, is die bruidegom, maar die vriend van die bruidegom, wat na
hom staan en luister, verheug hom baie oor die stem van die bruidegom; daarom, let
op, is my vreugde volledig.
30 Dit is nodig vir Hom om meer te word en vir my om minder te word.
31 Hy wat van bo kom, is hoër as almal; hy wat van die aarde is, is vanuit die grond
en praat vanuit die aarde. Hy wat uit die hemel kom, is hoër as almal.
32 Dit wat Hy gesien en gehoor het, dit getuig Hy en niemand aanvaar Sy getuienis
nie.
33 Wie Sy getuienis aanvaar, verklaar dat God waar is,
34 want Hy wat deur God gestuur is, bring die boodskappe van God, want God het nie
Sy Gees in mate gegee nie.
35 Die Vader het die Seun lief en het alles in Sy hand gegee.
36 Wie ookal in die Seun vertrou, het die ewige lewe en wie ookal die Seun ongehoorsaam
is, sal die lewe nie sien nie, maar die woede van God sal teen hom staan.”
145