Nuwe Verbond.indd - Aramaic Peshitta Bible Repository

35 Daarop sê die Jode onder hulleself: “Waar berei Hy voor om heen te gaan, dat ons
nie by Hom kan wees nie? Berei Hy voor om na ‘n streek van die nie-Jode te gaan
en húlle te leer?
36 Wat beteken hierdie woord wat Hy gesê het: ‘Julle sal My soek en My nie kry nie
en na waar Ek is, kan julle nie gaan nie’?”
37 Op die laaste groot dag (Hoshana Rabbah) van die fees, het Yeshua opgestaan en
Yes 12:3
verklaar: “As iemand dors het, laat hom na My toe kom en drink!
38 Elkeen wat in My vertrou, soos die Skrif sê: ‘Riviere van lewende water sal uit sy
binneste vloei’.”
Yes 44:3; 55:1; 58:11
39 Dit het Hy gesê van die Gees, waarvoor dié wat in Hom vertrou, voorberei word
om te ontvang, want die Gees was nog nie gegee nie, omdat Yeshua nog nie opgelig
en vereer is nie.
40 Baie van die mense wat Sy woorde gehoor het, het gesê: “Hy is waarlik die
profeet.”
41 Ander het gesê: “Hy is Die Gesalfde Een” en ander het gevra: “Kan Die Gesalfde
Een uit die Galil kom?
42 Sê die Skrif nie dat Die Gesalfde Een uit die geslag van David 2 Sh’ 7:12 en uit Beit-
Legem, Mik 5:1 die dorp van Dawid, kom nie?”
Yir 23:5-6
43 Daar was verdeeldheid oor Hom onder die skare mense
44 en sommige onder hulle wou Hom vang, maar niemand het die hand aan Hom
geslaan nie.
45 Daardie tempelwagte het by die hoofpriesters en die Fariseërs gekom en die
priesters vra vir hulle: “Waarom het julle Hom nie gebring nie?”
46 Die tempelwagte antwoord hulle: “Nog nooit het ‘n mens gepraat soos hierdie man
praat nie.”
47 Die Fariseërs vra vir hulle: “Is julle ook mislei?
48 Het iemand uit die leiers of die Fariseërs in Hom vertrou?
49 Hierdie mense daarenteen, wat die wet nie ken nie, is vervloek!”
50 Nakdimon, hy wat in die nag na Hom toe gegaan het, wat een van hulle was, sê
vir hulle:
51 “Oordeel ons wet die mens sonder om eers by hom te hoor en te weet wat hy
doen?”
52 Hulle antwoord en sê vir hom: “Is jy ook uit die Galil? Ondersoek en sien dat daar
geen profeet uit die Galil opstaan nie.”
2 Kon 14:25
Yoganan
53Toe gaan elkeen na sy huis toe,
8 1 maar Yeshua het na die Olyfberg gegaan en in die oggend weer na die tempel
gegaan.
2 Toe al die mense na Hom toe gekom het, het Hy gaan sit en hulle geleer,
3 maar die leraars van die wet en die Fariseërs het ‘n vrou wat in egbreuk betrap is na
Hom toe gebring en toe hulle haar tussen hulle laat staan het,
4 vir Hom gesê: “Leermeester, hierdie vrou is openlik in die daad van egbreuk
betrap.
Lev 20:10; Deut 22:22
5 In die wet van Moshe het hy ons beveel om sulkes te stenig.
155