Nuwe Verbond.indd - Aramaic Peshitta Bible Repository

Handelinge
14 en sy het die stem van Shim’on herken en in haar blydskap nie die deur oopgemaak
nie, maar na binne gehardloop en aangekondig dat Shim’on voor die deur staan.
15 Hulle sê egter vir haar: “Jy is deurmekaar,” maar sy het volhard dat dit so is.
Daarop sê hulle: “Miskien is dit sy engel.”
16 Shim’on het aangehou met klop en toe hulle oopmaak, sien hulle hom en was
verwonderd teenoor mekaar.
17 Hy het vir hulle met die hand gewys om stil te bly en ingekom en aan hulle vertel
hoe hom uit die tronk uitgebring het en hy sê: “Vertel dit aan Ya’akov en die
broers” en hy het uitgegaan na ‘n ander plek toe.
18 Toe dit oggend was, was daar ‘n groot oproer onder die soldate oor wat van Shim’on
geword het!
19 Toe Herodes hom gesoek en nie gekry het nie, het hy die wagte veroordeel en
beveel dat hulle doodgemaak moes word en hy het van Y’hudah na Kaisareia
gegaan en daar gebly.
20 Omdat hy in vyandskap was met die mense van Tzor en Tzidon, het hulle saamgespan
en na hom gekom en nadat hulle Blastos, die koning se hofdienaar, omgepraat het,
vrede gevra, omdat hulle land voorsiening uit die koning s’n ontvang het.
21 Op ‘n bepaalde dag het Herodes ‘n koninklike kleed aangetrek en op die regstroon
gaan sit en met die skare gepraat,
22 maar al die mense het uitgeroep en gesê: “’n Stem van ‘n god en nie van ‘n mens
nie!”
23 Omdat hy nie die eer, lof en aanbidding aan God gegee het nie, het ‘n engel van
hom onmiddellik geslaan en hy is deur wurms opgeëet en is dood,
24 maar die goeie boodskap van God is verkondig en het gegroei.
25 Bar-Nabba en Sha’ul het vanaf Yerushalayim teruggekeer na Antiogeia, nadat
hulle hul dienswerk voltooi het en hulle het Yoganan saamgeneem, wat ook Markos
genoem word.
13 1 Daar was in die plaaslike gemeente in Antiogeia sekere profete en leraars,
naamlik Bar-Nabba, Shim’on (wat Swart genoem word), Loukios (van Kurene),
Menagem (seun van dié wat Herodes, die heerser oor vier streke, grootgemaak het)
en Sha’ul.
2 Terwyl hulle besig was om God te aanbid en te vas, het die Gees van Afsondering
vir hulle gesê: “Sonder Bar-Nabba en Sha’ul vir My af vir die werk waarvoor Ek
hulle geroep het.”
3 Nadat hulle gevas, gebid en hulle die hande opgelê het, het hulle hul gestuur.
4 Hulle het, nadat hulle deur die Gees van Afsondering uitgestuur is, afgegaan na
Seleukeia en daarvandaan op die see gevaar na Kupros.
5 Toe hulle in Salamis gekom het, het hulle die boodskap van ons Meester in die
sinagoges van die Jode verkondig en Yoganan het hulle bedien.
6 Hulle het die eiland deurkruis tot by Pafos en ‘n towenaar gevind, ‘n valse profeet,
‘n Jood met die naam van Bar-Y’hoshua. (Ar. Bar-Shuma)
7 Hy was by die goewerneur Sergios Paulos, ‘n verstandige man. Dié het Bar-Nabba
en Sha’ul laat roep en het begeer om die boodskap van God te hoor,
203