Nuwe Verbond.indd - Aramaic Peshitta Bible Repository

19 Die hoofpriesters en die leraars van die wet wou op daardie oomblik die hande op
Hom kry, want hulle het geweet dat Hy hierdie vergelykende storie op hulle gerig
het, maar hulle was bang vir die mense
20 en hulle het spioene gestuur wat voorgegee het om onskuldig te wees sodat hulle
Hom op ‘n woord kon betrap, om Hom oor te lewer aan die regter en aan die
outoriteit van die goewerneur.
21 Hulle het Hom gevra en gesê: “Leermeester, ons weet dat U reg praat en leer en die
persoon nie aanneem nie, maar die ware pad van God leer;
22 is dit volgens die wet vir ons om aan die keiser belasting te betaal of nie?”
23 Hy het egter deur hulle listigheid gesien en vir hulle gesê: “Waarom toets julle
My?
24 Wys My ‘n denarion. Wie se beeld en naam het dit op?” Hulle antwoord en sê:
“Die keiser s’n.”
25 Yeshua sê vir hulle: “Gee dan aan die keiser wat die keiser s’n is en aan God wat
God s’n is.”
26 Hulle kon Hom nie voor die mense op ‘n woord betrap nie en verwonderd oor Sy
antwoord, het hulle stilgebly.
27 Sommige van die Sadduseërs het gekom, hulle wat sê daar is geen opstanding nie
en Hom gevra
28 en vir Hom gesê: “Leermeester, Moshe het vir ons geskryf: ‘As iemand se broer
doodgaan en ‘n vrou agterlaat sonder seuns, dan moet sy broer die vrou neem en vir
sy broer ‘n seun verwek.’
Deut 25:5
Luka
29 Nou, daar was sewe broers, en die eerste het die vrou gevat en kinderloos gesterf.
30 Die tweede het sy vrou gevat en hy het ook kinderloos gesterf
31 en die derde het haar ook gevat en net so het al sewe gesterf en geen kinders
nagelaat nie.
32 Ten laaste het die vrou ook gesterf.
33 In die opstanding dan, wie van hulle se vrou sal sy wees aangesien al sewe met
haar getrou het?”
34 Yeshua sê vir hulle: “Die seuns van hierdie wêreld vat vrou en vrouens word vir
mans gegee,
35 maar die wat waardig geag word vir daardie wêreld en vir die opstanding uit die
dood, vat nie vrou nie en vrouens nie vir mans nie,
36 want hulle kan ook nie meer sterf nie, want omdat hulle kinders van die opstanding
is, is hulle soos die engele en ook kinders van God.
37 Ook Moshe het by die doringstruik verklaar dat die wat dood is opstaan toe hy
die God van Avraham, die God van Yitz’gak en die God van Ya’akov Eks 3:6 genoem het.
38 Hy is tog nie ‘n God van dooies nie, maar van lewendes, want almal van hulle is
lewend vir Hom.”
39 Sommige van die leraars van die wet antwoord en sê: “Leermeester, U het goed
geantwoord.”
40 Hulle het nie gewaag om Hom enige iets meer te vra nie.
41 Hy sê vir hulle: “Hoe is dit dat die leraars van die wet sê dat Die Gesalfde Een die
seun van Dawid is?
129