Nuwe Verbond.indd - Aramaic Peshitta Bible Repository

2 Korinthiërs
20 want al die beloftes van God is ja in Hom, Die Gesalfde Een. As gevolg hiervan,
deur Hom, gee ons die “dit is waar,” tot eer, lof en aanbidding van God,
21 maar ons bevestig God by julle, in eenheid met Die Gesalfde Een, wat ons gesalf
het,
22 wat ook Sy seël op ons gesit het en die Gees as deposito in ons verstand, wil en
emosie gegee het.
23 Ek getuig teenoor God, uit my gees, dat ek, om julle te spaar, nog nie na Korinthos
gekom het nie;
24 nie omdat ons meesters oor julle vertroue is nie, maar ons is helpers aan julle
blydskap, want dit is deur vertroue dat julle staan.
2 1 Dit het ek by myself besluit, om nie weer in droefheid na julle toe te kom nie,
2 want as ek julle bedroef maak, wie is daar om my bly te maak, anders as hy wat deur
my bedroef gemaak is?
3 Ek het dit so aan julle geskrywe, dat ek nie by my koms droefheid mag ondervind
deur hulle oor wie ek my moes verbly nie, omdat ek julle almal vertrou, dat my
blydskap van julle almal af is.
4 Vanuit groot lyding en ‘n verstand, wil en emosie vol droefheid skryf ek hierdie
dinge aan julle deur baie trane, nie dat julle bedroef moet word nie, maar dat julle
mag weet van die oorvloedige liefde wat ek vir julle het,
5 maar as iemand droefheid veroorsaak het, dan is dit nie vir my wat hy bedroef het
nie, maar, sonder om te vergroot, vir julle almal.
6 Vir so iemand is dit genoeg m deur baie aangespreek te word;
7 en nou, daarenteen, is dit nodig om hom te vergewe en op te hef, dat so iemand nie
miskien deur ‘n oormaat droefheid verslind word nie.
8 As gevolg hiervan versoek ek julle om julle liefde aan hom te bevestig,
9 want daarom het ek ook geskryf om julle te toets, of julle in alles gehoorsaam is.
10 Vir wie julle iets vergewe, vergeef ek ook, want wie ek ook vergeef het, wat ek
ookal vergeef het, was om julle ontwil in die Teenwoordigheid van Die Gesalfde
Een
11 sodat ons nie deur die Satan oorval sou word nie, want ons ken sy metodes.
12 Toe ek in Troas gekom het met die goeie boodskap van Die Gesalfde Een en ‘n
deur vir my, deur , oopgemaak is,
13 het ek geen rus vir my gees gehad nie, omdat ek my broer Titos nie daar gekry het
nie, maar ek het van hulle afskeid geneem en na Makedonia vertrek.
14 Dank aan God wat ons, altyd in eenheid met Die Gesalfde Een, ‘n skouspel maak
en deur ons, die aangename reuk van Sy kennis op elke plek bekend maak,
15 want ons is die aangename soet geur in Die Gesalfde Een tot God onder die wat
lewe het en onder die wat besig is om verlore te gaan;
16 vir die laaste die stank van dood tot die dood en vir die eerste ‘n aangename reuk
van die lewe tot die lewe en wie sal waardig wees aan hierdie dinge?
17 Ons het nie soos ander die boodskap van God verdraai nie, maar dit in waarheid
volgens dit wat vanaf God is, in die Teenwoordigheid van God, in eenheid met Die
Gesalfde Een, verkondig.
278