Nuwe Verbond.indd - Aramaic Peshitta Bible Repository

Yoganan
4 1 Yeshua het geweet dat die Fariseërs gehoor het dat Hy baie studentevolgelinge
gemaak het en meer gedoop het as Yoganan,
2 alhoewel Yeshua self nie gedoop het nie, maar wel Sy studentevolgelinge.
3 Hy het weggegaan uit Y’hudah en weer na die Galil gegaan,
4 maar dit was nodig vir Hom om deur Shomron te gaan.
5 Hy kom by ‘n stad van Shomron, wat Sh’khem genoem word, langs die dorpie wat
Ya’akov aan sy seun Yosef gegee het.
146
Gen 33:19, Y’ho 24:32
6 Die fontein van Ya’akov was ook daar. Yeshua het toe, omdat Hy moeg was van die
reis, by die fontein gaan sit. Dit was omtrent die sesde uur (twaalfuur die middag).
7 ‘n Vrou van Shomron kom om water te trek. Yeshua vra vir haar: “Gee vir My water
om te drink,”
8 want Sy studentevolgelinge het na die stad gegaan om vir hulleself kos te koop.
9 Die vrou van Shomron vra vir Hom: “Hoe is dit dat U, wat ‘n Jood is, van my iets
vra om te drink, terwyl ek ‘n vrou van Shomron is?” Want die Jode assosieer nie met
die mense van Shomron nie.
10 Yeshua antwoord en sê vir haar: “As jy die geskenk van God geken het en geweet
het Wie Hy is wat vir jou sê: ‘Gee vir My iets om te drink,’ sou jy Hom gevra het vir
wat Hy het en Hy sal vir jou lewende water gee.”
11 Die vrou sê vir Hom: “My Meester, U het nie eens ‘n emmer nie en die put is diep,
van waar het U dié lewende water?
12 Is U groter as ons vader Ya’akov, wat die put aan ons gegee het en self saam met
sy seuns en vee daaruit gedrink het?”
13 Yeshua antwoord en sê vir haar: “Elkeen wat van hierdie water drink, sal weer dors
word,
14 maar elkeen wat sal drink van die water wat Ek hom sal gee, sal in ewigheid nooit
dors kry nie, maar die water wat Ek hom sal gee, sal in hom ‘n fontein van water
word wat sal opspring tot die ewige lewe.”
15 Die vrou sê vir Hom: “My Meester, gee vir my daardie water sodat ek nie dors kry
en hier hoef te kom trek nie.”
16 Yeshua sê vir haar: “Gaan roep jou man en kom hier.”
17 Die vrou antwoord en sê: “Ek het nie ‘n man nie.” Yeshua sê vir haar: “Jy het
korrek geantwoord: ‘Ek het nie ‘n man nie,’
18 want jy het vyf mans gehad en die een wat jy nou het, is nie jou man nie. Jy het die
waarheid gepraat.”
19 Die vrou sê vir Hom: “My Meester, ek sien dat U ‘n profeet is.
20 Ons vaders het op hierdie berg aanbid en julle sê dat die plek waar ons moet aanbid,
in Yerushalayim is.”
Deut 11:29; Y’ho 8:33
21 Yeshua sê vir haar: “Vrou, vertrou My, daar kom ‘n tyd wanneer julle die Vader nie
op hierdie berg en ook nie in Yerushalayim sal aanbid nie.
22 Julle aanbid wat julle nie ken nie; Ons aanbid wat Ons ken: Hy wat Lewe is, is
vanuit die Jode,
23 maar daar kom ‘n tyd, en dit is nou, wanneer die ware aanbidders die Vader in Gees
en Waarheid sal aanbid, want die Vader soek dié wat Hom só aanbid.