Nuwe Verbond.indd - Aramaic Peshitta Bible Repository

15 waar hy gebly het tot Herodes se dood. Dit het gebeur sodat die woord vervul
sou word wat deur die profete gesê het: Hos 11:1 “Uit Egipte het Ek My Seun
geroep.”
16 Toe Herodes agterkom dat hy deur die geleerde manne mislei is, was hy woedend
en het opdrag gegee dat al die seuns van twee jaar en jonger, in Beit-Legem en in al
die omstreke daarvan, doodgemaak moet word, ooreenkomstig die tyd wat hy van
die geleerde manne uitgevind het.
17 Op hierdie manier is die woorde wat deur die profeet Yirmeyahu gesê is vervul:
18 Yir 31:14 “’n Stem is in Ramah gehoor: geween en harde weeklaag; dit was Ragel
wat oor haar kinders ween en weier om vertroos te word, omdat hulle nie meer leef
nie.”
19 Toe Herodes dood is het daar ‘n boodskapper van in ‘n droom aan Yosef in
Egipte verskyn
20 en gesê: “Staan op, neem die Seun en Sy moeder en gaan na die land van Yisra’el,
want hulle wat die lewe van die Seun gesoek het, is dood.”
21 Yosef het opgestaan, die Seun en Sy moeder gevat en na die land van Yisra’el
gegaan.
22 Toe hy egter hoor dat Argelaus sy vader Herodes opgevolg het as koning oor
Y’hudah, was hy bang om daarheen te gaan. Dit het in ‘n droom na hom gekom om
na die streek van die Galil te gaan
23 en hy het gaan woon in ‘n stad met die naam van Natzeret sodat vervul sou word
wat deur die profeet gesê is, dat Hy Natzeréner genoem sou word.
3 1 Tydens daardie dae het Yoganan, die Doper, in die wildernis van Y’hudah
aangekom en die boodskap verkondig
2 en gesê: “Draai weg van julle sondes na God toe, want die Koninkryk van die hemel
is naby!”
3 Dit is die man van wie die profeet Yesha’yahu gepraat het toe hy gesê het: “Die stem
van een wat uitroep: ‘Berei die weg van in die wildernis voor en maak Sy paaie
gelyk!’”
Yes 40:3
Mattityahu
4 Hierdie Yoganan het klere gedra van kameelhare en ‘n leergordel om sy heupe en sy
kos was sprinkane en heuning uit die veld.
5 Mense vanaf Yerushalayim, vanaf die hele Y’hudah en van die hele omtrek van die
Yarden, het uitgegaan na hom toe.
6 Met erkenning en aflegging van hulle sondes, is hulle deur hom in die Yarden- rivier
gedoop,
7 maar toe Yoganan baie van die Fariseërs en Saduseërs sien kom om deur hom gedoop
te word, sê hy vir hulle: “Nageslag van Adders! Wie het julle gewaarsku om te vlug
van die komende straf?
8 Produseer daarom vrugte wat waardig is aan een wat weggedraai het van sy sondes
na God toe,
9 en moenie dink en in julleself sê: ‘Avraham is ons Vader nie,’ want ek sê vir julle dat
God uit hierdie klippe kinders vir Avraham kan opwek!
5