Nuwe Verbond.indd - Aramaic Peshitta Bible Repository

Handelinge
25 ook word Hy nie deur mensehande gedien en het Hy niks nodig nie, omdat Hy self
aan almal lewe en gees gee.
26 Hy het uit een bloed die hele mensdom op die aarde gemaak, om oor die hele aarde
te bly, terwyl Hy vooraf bepaalde tye in Sy opdragte uitgestip en grense vir hulle
blyplek vasgestel het
27 sodat hulle God kon soek en navraag doen en Hom deur Sy skepping kon vind,
want Hy is nie ver van elkeen van ons af nie,
28 want deur Hom het ons lewe, beweeg ons en bestaan ons, soos sommige van julle
wyses ook gesê het: ‘Ons is van Sy nageslag.’
29 As ons dan die nageslag van God is, kan ons mos nie dink dat God aan goud, silwer
en steen, die beeldwerk van menslike kuns en uitvinding, gelyk is nie.
30 God het die tye van misleiding verban en beveel alle mense nou, dat elkeen op elke
plek moet erken en bely en wegdraai van die sonde na God toe,
31 omdat Hy ‘n dag bepaal het waarop Hy die wêreld in onpartydigheid en opregtheid
sal oordeel deur die Man wat Hy aangestel het en Hy het Sy vertrouenswaardigheid
aan almal bewys, deur Hom uit die dood uit te laat opstaan.”
32 Toe hulle van die opstanding uit die dood hoor, het sommige begin spot en ander
het gesê: “Ons sal u op ‘n ander tyd daaroor hoor.”
33 So het Sha’ul van hulle af weggegaan,
34 maar sommige manne het by hom aangesluit en vertrou, onder wie ook Dionusios,
die Aresraadslid en ‘n vrou met die naam van Damaris en ander saam met hulle.
18 1 Toe Sha’ul uit Athene weggegaan het, het hy in Korinthos gekom,
2 waar hy ‘n Jood gevind het met die naam van Akulas, afkomstig van Pontos, wat
onlangs, met sy vrou Priskilla, vanaf Italië gekom het, omdat keiser Klaudios beveel
het dat al die Jode uit Rome moes weggaan. Hy het hulle besoek
3 en omdat hy van dieselfde ambag was, het hy by hulle gebly en gewerk, want hulle
was tentmakers.
4 Hy het elke Shabbat in die sinagoge gepraat en Jode, sowel as nie-Jode, oortuig
5 en toe Sila en Timotheos vanaf Makedonia gekom het, was Sha’ul onderdruk in die
boodskap, omdat die Jode teen hom gestaan het en kwaadgepraat het toe hy getuig
het dat Yeshua Die Gesalfde Een is.
6 Hy het sy klere afgeskud en vir hulle gesê: “ Yeg 18:16-19 Van nou af is ek skoon daarvan;
ek gaan na die ander nasies toe.”
7 Hy het daarvandaan weggegaan en in die huis gekom van ‘n man met die naam van
Titos, wat God aanbid het, wie se huis langs die sinagoge was.
8 Krispos, die leier van die sinagoge, saam met sy hele huisgesin, het in ons Meester
vertrou, asook baie van die Korinthiërs, wat gehoor het, het vertrou en is gedoop.
9 het in die nag, deur ‘n visioen, aan Sha’ul gesê: “Moenie bang wees nie, maar
hou aan praat en moenie stilbly nie,
10 want Ek is by jou en niemand kan jou kwaad aandoen nie, want Ek het baie mense
in hierdie stad.”
11 Hy het ‘n jaar en ses maande lank in Korinthos gebly en vir hulle die boodskap
van God geleer
213