Nuwe Verbond.indd - Aramaic Peshitta Bible Repository

Romeine
33 God van vrede, gesondheid, voorspoed en vergenoegdheid bly by julle almal! Dit
is waar!
16 1 Ek vertrou aan julle toe, ons suster Foibe, wat ‘n diensmaagd is van die
gemeente in Kengreai
2 sodat julle haar kan aanvaar in ons Meester, soos dit by afgesonderdes pas en haar
help in elke saak waarin sy julle hulp mag vra, want sy was ook vir baie ‘n hulp en
ook vir my.
3 Groet Priskilla en Akulas, my medewerkers in Yeshua, Die Gesalfde Een,
4 wat ter wille van my lewe hulle nekke gewaag het en nie ek alleen dank hulle nie,
maar ook al die gemeentes van die ander nasies.
5 Groet ook die gemeente by hulle aan huis. Groet Epaenetos, waarvoor ons lief is,
wat die eerste vrug vanuit Agaia vir Die Gesalfde Een is.
6 Groet Miryam wat hard gewerk het onder julle.
7 Groet Andronikos en Younias, my familie en medegevangenes, wat geken is deur
die afgevaardigdes en reeds voor my in Die Gesalfde Een was.
8 Groet Amplias, wat ek liefhet in die Meester.
9 Groet Ourbanos, ons medewerker in Die Gesalfde Een en Stagus, waarvoor ek lief
is.
10 Groet Apelles, gekies in Die Gesalfde Een. Groet hulle wat van die huis van
Aristoboulos is.
11 Groet Herodion, my familie. Groet hulle wat van die huis van Narkissos is, hulle
wat in die Meester is.
12 Groet Troefaina en Troefosa, wat in ons Meester gearbei het. Groet Persis, waarvoor
ek lief is, wat hard gewerk het in die Meester.
13 Groet Roufos, wat gekies is deur die Meester, sy moeder en myne.
14 Groet Asoenkritos, Flegon en die broers wat saam met hulle is en vir Hermas,
Patrobas en Hermes.
15 Groet Filologos, Youlia, Nereus en sy suster, Olumpas en al die afgesonderdes wat
saam met hulle is.
16 Groet mekaar met ‘n afgesonderde soen. Al die gemeentes van Die Gesalfde Een
groet julle,
17 maar ek versoek julle, my broers, wees versigtig vir hulle wat verdeeldheid en
struikeling veroorsaak buite die leringe wat julle geleer het, dat julle sal wegbly van
hulle af,
18 want sulke mense dien nie ons Meester, Yeshua, Die Gesalfde Een nie, maar hulle
eie maag en hulle mislei die verstand, wil en emosie van die reines deur hulle soet
woorde en seëninge.
19 Julle gehoorsaamheid het oral bekend geword. Daarom verbly ek my oor julle en
ek wens dat julle wys mag wees oor wat goed is, maar onskuldig oor wat boos is.
20 Die God van vrede, gesondheid, voorspoed en vergenoegdheid sal die Satan
spoedig onder julle voete verbrysel. Gen 3:15 Die onverdiende guns van ons Meester
Yeshua, Die Gesalfde Een, sal by julle bly!
253