Nuwe Verbond.indd - Aramaic Peshitta Bible Repository

Mattityahu
64 “Gee dan bevel dat die graf verseker word tot die derde dag toe, dat Sy
studentevolgelinge nie miskien in die nag kom, Hom steel en vir die mense sê Hy
het opgestaan uit die dood uit nie en die laaste misleiding sal erger wees as die
eerste.”
65 Pilatos sê vir hulle: “Daar is vir julle wagte, gaan verseker dit volgens wat julle
verstaan”
66 en hulle het weggegaan en die graf saam met die wag verseker deur ‘n seël op die
steen te sit.
28 1 Tydens die aand van die Shabbat, toe die eerste dag van die week aanbreek,
kom Miryam van Migdala en die ander Miryam om na die graf te kyk.
2 Let op! Daar was ‘n groot aardbewing, want ‘n engel van het uit die hemel
afgekom en die steen van die ingang af weggerol en daarop gaan sit.
3 Sy voorkoms was soos weerlig en sy klere so wit soos sneeu.
4 As gevolg van vrees vir hom het die wagte gebewe en soos dooies geword,
5 maar die boodskapper sê vir die vroue: “Moenie bang wees nie, want ek weet julle
soek Yeshua wat gekruisig is.
6 Hy is nie hier nie, want Hy het opgestaan net soos Hy gesê het. Kom kyk na die plek
waar ons Meester gelê het
7 en gaan vinnig, sê vir Sy studentevolgelinge: ‘Hy het opgestaan uit die dood en gaan
voor julle uit na die Galil. Daar sal julle Hom sien.’ Let op, ek het vir julle gesê.”
8 Hulle het dadelik weggegaan van die graf af, bang en met groot blydskap en
gehardloop om dit aan Sy studentevolgelinge te vertel.
9 Let op! Yeshua ontmoet hulle en sê: “Vrede, gesondheid, voorspoed en
vergenoegdheid!” Hulle het gekom en Sy voete vasgehou en Hom aanbid.
10 Toe sê Yeshua vir hulle: “Moenie bang wees nie. Gaan en vertel vir My broers dat
hulle na die Galil moet gaan en daar sal hulle My sien.”
11 Terwyl hulle op pad was, het sommiges van die wag in die stad ingegaan en aan die
hoofpriesters alles vertel wat gebeur het
12 en hulle het voldoende geld gevat en dit vir die soldate gegee en saam met die
oudstes bymekaargekom en vergadering gehou
13 en vir hulle gesê: “Julle moet sê: ‘Sy studentevolgelinge het in die nag gekom en
Hom gesteel terwyl ons aan die slaap was’
14 en as dit aan die goewerneur rapporteer word, sal ons hom tevrede stel, julle moenie
bekommerd wees nie.”
15 Hulle het die geld gevat en gedoen soos hulle beveel is en hierdie storie is versprei
onder die Jode, tot vandag toe.
16 Die elf studentevolgelinge het na die Galil gegaan, na die berg waar Yeshua met
hulle afgespreek het
17 en toe hulle Hom sien, het hulle neergeval voor Hom in aanbidding, maar sommige
het getwyfel.
18 Yeshua het nadergekom en met hulle gepraat en vir hulle gesê: “Alle outoriteit in
die hemel en op aarde is aan My gegee en soos die Vader My gestuur het, so stuur
ek julle.
52