Nuwe Verbond.indd - Aramaic Peshitta Bible Repository

1 Korinthiërs
5 maar ek sal na julle toe kom wanneer ek vanaf die stad gekom het, want ek gaan
deur Makedonia
6 en miskien sal ek by julle oorbly of oorwinter sodat julle saam met my kan gaan
waarheen ek ook al mag gaan.
7 Ek verkies om julle nie die keer net in die verbygaan te sien nie, maar ek hoop om
‘n tyd lank by julle te bly as my Meester dit toelaat,
8 maar ek sal in Efesos bly tot die Fees van weke (Shavu’ot),
9 want ‘n groot deur het vir my oopgegaan, vol geleenthede en daar is baie wat my
teëstaan.
10 As Timotheos na julle toe kom, kyk dat hy sonder vrees by julle is, want hy versorg
die werke van , net soos ek.
11 Laat niemand hom dan minag nie, maar vergesel hom in vrede, gesondheid,
voorspoed en vergenoegdheid sodat hy na my toe kan kom, want ek, saam met die
broers, wag vir hom.
12 Met betrekking tot die broer Apollos: Ek het hom baie gevra om saam met die
broers na julle te gaan en hy het sonder twyfel nie die begeerte gehad om nou te
gaan nie, maar hy sal gaan wanneer hy tyd het.
13 Wees waaksaam, staan in vertroue, wees dapper, wees sterk,
14 doen alles in liefde
15 en ek vra julle, broers, julle weet dat die huisgesin van Stefanas die eersteling vrug
van Agaia is en dat hulle hulself tot diens van die afgesonderdes gemaak het,
16 dat julle ook gehoorsaam moet wees aan sulke mense en aan elkeen wat saam met
hulle werk en arbei.
17 Ek verbly my omdat Stefanas, Fortounatos en Agaikos hier aangekom het, omdat
hulle opgemaak het vir my gemis aan julle,
18 want hulle het my gees verkwik soos ook julle s’n. Erken daarvolgens sulke
manne.
19 Al die gemeentes van Asië groet julle. Akulas en Priskilla, saam met die gemeente
wat in hulle huis is, stuur vir julle baie groete in ons Meester.
20 Al die broers groet julle. Groet mekaar met ‘n afgesonderde soen.
21 Sha’ul se groete, met my eie hand:
22 Wie ookal nie ons Meester, Yeshua, Die Gesalfde Een, lief het nie, laat hom
vervloek wees! Ons Meester kom!
23 Die onverdiende guns van ons Meester, Yeshua, Die Gesalfde Een, is by julle!
24 My liefde is by julle almal in Die Gesalfde Een, Yeshua!
275