Nuwe Verbond.indd - Aramaic Peshitta Bible Repository

1 Kefa
1 1 Kefa, ‘n afgevaardigde van Yeshua, Die Gesalfde Een, aan die gekoses en die
pelgrims, wat verstrooid is in Pontos, Galatia, Kappadokia, Asië en Bithunia;
2 die wat gekies is volgens die voorkennis van God-die-Vader, deur die afsondering
van die Gees, dat hulle sal wees tot gehoorsaamheid en tot besprenkeling met die
bloed van Yeshua, Die Gesalfde Een: Onverdiende guns en vrede, gesondheid,
voorspoed en vergenoegdheid word vermenigvuldig vir julle!
3 Geseënd is God, die Vader van ons Meester, Yeshua, Die Gesalfde Een, wat in Sy
groot omgee vir ons die geboorte gegee het van bo af, deur die opstanding van
Yeshua, Die Gesalfde Een uit die dood, tot die versekerde verwagting van lewe
4 en tot ‘n erfenis wat nie vernietig, besoedel of verwelk word nie, wat in die hemel
vir julle voorberei word,
5 terwyl julle deur die krag van God en vertroue in stand gehou word vir die lewens
wat gereed is om geopenbaar te word in die laaste tyd.
6 Lewens waarin julle vir ewig sal verheug, alhoewel julle, vir ‘n kort tydjie, moeg
gemaak word deur allerhande versoekings wat skielik oor julle kom
7 sodat die egtheid van julle vertroue, wat baie kosbaarder is as fyngoud, wat vergaan,
maar deur vuur gesuiwer word, gewys mag word as prysenswaardig, kosbaar en tot
eer, lof en aanbidding by die openbaring van Yeshua, Die Gesalfde Een;
8 Hom vir Wie julle nie gesien het nie en Hom liefhet en deur Sy vertroue verbly julle
jul met ‘n heerlike blydskap wat nie uitgespreek word nie
9 sodat julle die einddoel van julle vertroue, die redding van julle gees, kan ontvang.
10 Die profete wat geprofeteer het aangaande hierdie lewens, het hierdie onverdiende
guns wat vir julle bestem is, ondersoek en nagevors.
11 Hulle het ondersoek na watter tyd of geleentheid die Gees van Die Gesalfde Een,
wat in hulle was, gewys het, toe Hy vooruit voorspel het van die lyding wat oor Die
Gesalfde Een sou kom en die Gemanifesteerde Teenwoordigheid daarna.
12 Aan hulle is geopenbaar sodat hulle nie hulleself nie, maar vir ons bedien het deur
dié dinge wat nou aangekondig is deur dié wat die goeie nuus aan julle verkondig
het in die Gees van Afsondering, wat vanuit die hemel gestuur is; dinge waaroor die
engele begeer om in te sien.
13 Daarom, bind die heup van julle verstand vas, wees volkome waaksaam en verwag
die onverdiende guns wat julle deel word by die openbaring van Yeshua, Die
Gesalfde Een
14 soos gehoorsame kinders en moenie weer deel kry aan julle vorige begeertes wat
julle sonder kennis begeer het nie,
15 maar wees afgesonderdes in al julle lewenswyses, soos wat Hy wat julle geroep
het, afgesonderd is,
16 omdat daar geskrywe is: Lev 11:44,45; 19:2; 20:7 “Wees afgesonderd, soos Ek afgesonderd
is.”
17 As julle jul op Hom as Vader beroep, wat onpartydig oordeel volgens elkeen se
dade, leef dan in respekvolle vrees gedurende dié tyd wat julle vreemdelinge is,
18 omdat julle weet dat julle nie deur verganklike dinge, silwer of goud, losgekoop is
Yes 52:3
uit julle leë dade wat tradisioneel deur die vaders oorgedra is nie,
371