Nuwe Verbond.indd - Aramaic Peshitta Bible Repository

Markos
60 Die hoofpriester het opgestaan tussen hulle en vir Yeshua gevra en gesê: “Antwoord
U nie een van die wat getuienis teen U bring nie?”
61 Hy was egter stil en het niks geantwoord nie. Weer vra die hoofpriester vir Hom en
sê: “Is U Die Gesalfde Een, die Seun van Die Geseënde Een (Bar-HaM’vorakh)?”
62 Yeshua sê vir hom: “Ek Is Eks 3:14 en julle sal die Seun van die mens aan die
regterhand van Die Krag (HaG’vurah) sien sit en kom met die wolke van die
Dan 7:13 ; Ps 110:1
hemel.”
63 Die hoofpriester skeur sy klere in twee en sê: “Hoekom het ons nog getuienis
nodig!
64 Let op! Uit Sy mond het julle die godslastering gehoor; hoe lyk dit vir julle?”
Almal van hulle het geoordeel dat Hy die doodsvonnis verdien
65 en sommige het begin om Hom in die gesig te spoeg en sy gesig toe te maak en
Hom te slaan en vir Hom te sê: “Profeteer!” en die soldate het Hom op Sy ken
geslaan.
66 Terwyl Kefa onder in die binneplaas was, kom daar ‘n sekere slavin van die
hoofpriester
67 en sy sien vir Kefa, besig om hom warm te maak en kyk stip na hom en sê: “Jy was
ook by die Natzerener, Yeshua,”
68 maar hy het dit ontken en gesê: “Ek weet nie wat jy sê nie” en hy het na buite, na
die stoep, gegaan en die haan het gekraai.
69 Daardie slavin het hom weer gesien en begin om aan die wat daar staan, te sê dat
hy een van hulle is,
70 maar hy het dit weer ontken en ‘n bietjie later sê die wat daar staan weer vir
Kefa: “Waarlik, jy behoort by hulle, want jy is ook van die Galil en jou spraak is
dieselfde.”
71 Toe begin hy vloek en sweer: “Ek ken nie daardie man, van wie julle praat, nie”
72 en op daardie oomblik kraai die haan vir die tweede keer en Shim’on het die woord
onthou wat Yeshua vir hom gesê het: “Voor die haan twee maal gekraai het, sal jy
My drie maal ontken” en hy het begin huil.
15 1 Dadelik in die oggend, het die hoofpriesters vergadering gehou saam met die
oudstes, die leraars van die wet en die hele Raad. Hulle het Yeshua vasgebind, Hom
gebring en aan Pilatos oorgelewer.
2 Pilatos het Hom gevra: “Is U die Koning van die Jode?” Hy het geantwoord en vir
hom gesê: “U het dit gesê.”
3 Die hoofpriesters het Hom van baie dinge beskuldig.
4 Pilatos het Hom weer gevra en gesê: “Gee U nie ‘n antwoord nie? Kyk hoe baie
teen U getuig,”
5 maar Yeshua het geen antwoord gegee nie sodat Pilatos gewonder het.
6 Hy het ‘n tyd daargestel op elke fees om vir hulle een gevangene, die een waarvoor
hulle gevra het, los te laat.
7 Daar was een genaamd Bar-Abba, wat saam met mede-oproermakers gevang is;
hulle wat in die opstand ‘n moord gepleeg het.
8 Die skare het uitgeroep en begin vra dat hy vir hulle sou doen soos altyd.
82