Nuwe Verbond.indd - Aramaic Peshitta Bible Repository

Yoganan
48 Yeshua sê vir hom: “As julle nie tekens en wonders sien nie, sal julle nooit vertrou
nie.”
49 Die koning se dienskneg sê vir Hom: “My Meester, kom af, anders sal die kind
sterf.”
50 Yeshua antwoord hom: “Gaan, jou seun lewe!” Die man het dit wat Yeshua vir hom
gesê het vertrou, en hy het gegaan.
51 Terwyl hy op pad was huis toe, kom sy slaaf hom tegemoet en bring die goeie nuus
en sê: “U seun leef!”
52 Hy vra van hulle die tyd waarop hy genees is en hulle sê vir hom: “Gister, die
sewende uur (om eenuur die middag), het die koors hom verlaat.”
53 Die vader het geweet dat dit dieselfde tyd was waarop Yeshua vir hom gesê het:
‘Jou seun leef!’ Hyself en sy hele huis het vertrou.
54 Hierdie was die tweede wonderteken wat Yeshua gedoen het toe Hy uit Y’hudah
in die Galil gekom het.
5 1 Na hierdie dinge was daar ‘n fees van die Jode en Yeshua het opgegaan na
Deut 16:16
Yerushalayim.
2 In Yerushalayim is daar ‘n sekere doopbad met vyf afdakke, wat in Aramees, Beit-
Hesda genoem word,
3 waarby baie siekes gelê het: blindes, kreupeles en lammes, wat op die roering van
die water gewag het,
4 want ‘n engel het van tyd tot tyd in die doopbad afgekom en die water geroer. Die
een wat dan die eerste ingaan ná die roering van die water, het gesond geword; van
watter siekte ookal op hom was.
5 Daar was egter ‘n sekere man, wat agt en dertig jaar aan sy siekte gely het.
6 Yeshua het hom gesien lê en Hy het geweet dat hy al ‘n lang tyd so is. Hy vra vir
hom: “Wil jy gesond word?”
7 Die sieke antwoord Hom en sê: “O, my Meester, ek het niemand om my in die
doopbad te sit as die water geroer word nie en terwyl ek op pad is, gaan ‘n ander
een voor my in.”
8 Yeshua sê vir hom: “Staan op, tel jou bedmat op en loop.”
9 Dadelik het die man gesond geword en sy bedmat opgetel en geloop; en daardie dag
was Shabbat.
10 Die Jode sê vir hom wat genees is: “Dit is Shabbat; dit is nie toegelaat vir jou om
Yir 17:21–22; Neg 13:19
jou bedmat te dra nie.”
11 Hy antwoord en sê vir hulle: “Hy wat my gesondgemaak het, Hy het vir my gesê:
‘Tel jou bedmat op en loop’.”
12 Hulle vra hom: “Wie is die man wat vir jou gesê het: Tel jou bedmat op en loop?”
13 Hy wat gesond geword het, het nie geweet Wie Yeshua was nie, want Hy het
Homself stilweg in die groot skare wat daar was, onttrek.
14 Na ‘n tyd het Yeshua hom in die tempel gekry en vir hom gesê: “Let op, jy is gesond;
moenie aanhou sondig nie sodat daar nie iets ergers as tevore met jou gebeur nie.”
15 Die man het gegaan en aan die Jode vertel dat dit Yeshua was wat hom gesondgemaak
het
148