Nuwe Verbond.indd - Aramaic Peshitta Bible Repository

Handelinge
5 maar sommige gelowiges uit die party van die Fariseërs het opgestaan en gesê:
“Dit is noodsaaklik dat hulle besny word en beveel word om die wet van Moshe te
onderhou.”
6 Die afgevaardigdes en die oudstes het bymekaargekom om hierdie saak te
ondersoek
7 en toe daar ‘n groot woordewisseling begin, het Shim’on opgestaan en vir hulle
gesê: “Broers, julle weet dat God van die begin af gekies het dat die nasies deur my
mond die goeie boodskap sal hoor en vertrou
8 en God, wat die verstand, wil en emosie ken, het aangaande hulle getuig deur aan
hulle die Gees van Afsondering te gee net soos aan ons.
9 Hy het geen onderskeid tussen ons en hulle gemaak nie, aangesien Hy hulle verstand,
wil en emosie gereinig het deur vertroue.
10 Nou waarom toets julle God deur op die nek van die studentevolgelinge ‘n juk te
lê wat, nie ons vaders of ons, in staat was om te dra nie?
11 Ons vertrou, dat ons deur die onverdiende guns van ons Meester, Yeshua, Die
Gesalfde Een, ook lewe ontvang op dieselfde manier as hulle.”
12 Almal in die byeenkoms het stilgebly en na Bar-Nabba en Sha’ul geluister, terwyl
hulle van al die tekens en wonders vertel wat God deur hulle onder die nasies
gedoen het.
13 Toe hulle stilgebly het, staan Ya’akov op en sê: “Broers, luister na my!
14 Shim’on het vertel presies hoe God in die begin besluit het om mense uit die ander
nasies vir Sy Karakter en Outoriteit aan te neem
15 en dit stem ooreen met die boodskap wat die profete geskrywe het:
16 ‘Daarna sal Ek terugkom en die gevalle tent van Dawid weer herbou en wat daarvan
vernietig is, sal Ek weer herbou en herstel
17 sodat die oorblyfsel van die mense kan soek, uit al die nasies oor wie My
`Am 9:11-12
Outoriteit en Karakter uitgeroep is, sê , wat al hierdie dinge doen.’
18 God se werke is van ewigheid af bekend.
19 As gevolg hiervan sê ek dat ons die wat vanuit die ander nasies, na God toe gedraai
word, nie verder moet belas nie,
20 maar aan hulle skrywe dat hulle hul moet afsonder van die dinge wat deur afgode
besoedel is, van alle seksuele immoraliteit, van wat verwurg is en van bloed,
21 want van die vroegste geslagte af het Moshe diegene wat hom, in elke stad,
verkondig, terwyl hy elke Shabbat in die sinagoges gelees word.”
22 Toe het die afgevaardigdes en die oudstes saam met die hele gemeente manne
vanuit hulle gekies en na Antiogeia gestuur saam met Sha’ul en Bar-Nabba; naamlik
Y’hudah, wat genoem word Bar-Sabba en Sila, manne wat leiers onder die broers
was.
23 Deur hulle hand het hulle dít geskryf: “Die afgevaardigdes, die oudstes en die
broers; aan die broers uit die nasies in Antiogeia, Sirië en Kilikia: Vrede, gesondheid,
voorspoed en vergenoegdheid!
24 Ons hoor dat sommige wat vanaf ons uitgegaan het, julle met boodskappe ontstel
en julle gees omgekrap het deur te sê dat julle die wet moet onderhou en besny moet
word, wat ons hulle nie beveel het nie.
208