Nuwe Verbond.indd - Aramaic Peshitta Bible Repository

Markos
8 Hulle het geëet tot versadiging en die stukkies wat oorgebly het opgetel; sewe
mandjies vol.
9 Die mans wat geëet het, was vier duisend,
10 en Hy het hulle weggestuur. Dadelik het Hy saam met Sy studentevolgelinge in die
boot geklim en na die Dalmanuta streek gegaan.
11 Die Fariseërs het uitgegaan en Hom uitgevra en van Hom ‘n teken uit die hemel
gevra om Hom te toets.
12 Hy sug swaar in Sy Gees en sê: “Waarom begeer hierdie geslag ‘n teken? Dit is
waar, Ek sê vir julle, aan hierdie geslag sal sekerlik geen teken gegee word nie.”
13 Hy het van hulle af weggegaan, in die boot geklim en na die oorkant toe gegaan
14 en hulle het vergeet om brood te vat en het nie meer as een koek by hulle in die
boot gehad nie.
15 Hy het hulle beveel en sê vir hulle: “Let op en wees versigtig vir die suurdeeg van
die Fariseërs en die suurdeeg van Herodes.”
16 Toe bespreek hulle onder mekaar en sê: “Dit is omdat ons nie brood het nie.”
17 Yeshua het geweet en Hy sê vir hulle: “Waarom bespreek julle dat julle nie brood
het nie? Begryp of verstaan julle nog steeds nie? Is julle verstand nog hard?
18 Het julle oë en sien julle nie? Het julle ore en hoor julle nie? Onthou julle nie
19 toe Ek die vyf brode vir die vyf duisend gegee het; hoeveel mandjies vol stukke
julle opgetel het nadat hulle versadig was nie?” Hulle sê vir Hom: “Twaalf.”
20 “En die sewe vir die vier duisend; hoeveel mandjies vol stukke het julle opgetel
nadat hulle versadig is?” Hulle sê: “Sewe.”
21 Hy sê vir hulle: “Hoe is dit dat julle tot nou toe nie verstaan nie?”
22 Hy het in Beit-Tzaidah gekom en hulle het ‘n blinde man na Hom gebring en Hom
gesmeek om hom aan te raak.
23 Hy vat die blinde by die hand en lei hom uit buitekant die dorp. Hy spoeg in sy oë
en lê hom die hande op en vra vir hom wat hy sien.
24 Hy kyk en sê: “Ek sien die mense soos bome wat loop.”
25 Hy lê weer Sy hand op sy oë en hy is genees en het alles duidelik gesien.
26 Hy het hom na sy huis toe gestuur en gesê: “Moenie in die dorp ingaan of dit aan
iemand in die dorp vertel nie.”
27 Yeshua en Sy studentevolgelinge het uitgegaan na die dorpe van Kaisareia-Filippoi
en op die pad vra Hy Sy studentevolgelinge en sê vir hulle: “Wat sê die mense van
My; Wie Ek is?”
28 “Sommige sê Yoganan die Doper en ander: Eliyahu, maar ander: Een van die
profete.”
29 Yeshua sê vir hulle: “Maar julle, wie sê julle is Ek?” Shim’on antwoord en sê vir
Hom: “U is Die Gesalfde Een, die Seun van die Lewende God.”
30 Hy het hulle verbied om enige iemand van Hom te vertel.
31 Hy het hulle begin leer dat die Seun van die mens voorbereid is om baie dinge
te ly en verwerp te word deur die oudstes, hoofpriesters en leraars van die wet en
doodgemaak sal word en ná drie dae opstaan.
32 Hierdie boodskap het Hy openlik en duidelik gebring en Kefa het Hom eenkant
gevat en Hom begin aanspreek,
68