Nuwe Verbond.indd - Aramaic Peshitta Bible Repository

Mattityahu
37 Hy het geantwoord en vir hulle gesê: “Hy wat die goeie saad gesaai het, is die Seun
van die mens,
38 en die land is die wêreld. Die goeie saad is die kinders van die Koninkryk, maar die
vals saad is die kinders van die Bose Een.
39 Meer nog, die vyand wat hulle gesaai het, is Satan. Die oestyd is die einde van die
wêreld en die maaiers is die engele.
40 Daarom, net soos die darrel (vals koring) bymekaargemaak en in die vuur verbrand
word, so sal dit wees aan die einde van hierdie wêreld:
41 Die Seun van die mens sal Sy boodskappers uitstuur en hulle sal uit Sy Koninkryk
bymekaarmaak al die struikelblokke en die doeners van boosheid
42 en hulle in die intensiteit van vuur gooi. Daar sal gehuil wees en gekners van
tande.
43 Dan sal die onskuldiges skyn soos die son in die Koninkryk van hulle Vader. Wie
ookal ‘n oor het wat wil hoor, laat hom hoor.
44 Weer: Die Koninkryk van die hemel is soos ‘n skat wat weggesteek is in ‘n stuk
grond, wat ‘n man kry en geheim hou en uit blydskap daaroor gaan hy en verkoop
alles wat hy het en koop daardie grond.
45 Weer: Die Koninkryk van die hemel is soos ‘n handelaar wat mooi pêrels soek
46 en toe hy ‘n sekere pêrel vind wat voor die hand liggend baie kosbaar is, gaan hy
weg en verkoop alles wat hy het en koop dit.
47 Weer: Die Koninkryk van die hemel is soos ‘n net wat in die see gegooi word en
van alle soorte bymekaarmaak
48 en toe dit vol was, het hulle dit op die strand uitgebring en gaan sit en dit uitgesoek.
Die goeies het hulle in houers gesit en die slegtes uitgegooi.
49 So sal dit wees aan die einde van die wêreld: die engele sal uitgaan en die slegte
mense van die onskuldiges afskei
50 en hulle in die intensiteit van vuur gooi. Daar sal gehuil wees en gekners van
tande.”
51 Yeshua sê vir hulle: “Het julle ál hierdie dinge verstaan?” Hulle antwoord Hom:
“Ja, ons Meester!”
52 Hy sê vir hulle: “As gevolg hiervan is elke leraar van die wet, wat opgelei word
vir die Koninkryk van die hemel, soos die meester van ‘n huis wat uit sy skat nuwe
en ou dinge bring.”
53 Dit was nadat Yeshua klaar was met hierdie vergelykende stories, dat Hy
daarvandaan weggegaan het
54 en Hy het in Sy stad gekom en hulle in hulle sinagoge geleer sodat hulle verslae
was en gesê het: “Van waar kry Hy hierdie wysheid en wonderwerke vandaan?
55 Is hierdie nie die seun van die skrynwerker nie? Is die naam van sy moeder nie
Miryam en dié van sy broers Ya’akov, Yosef, Shim’on en Y’hudah nie?
56 Al Sy susters, let op, is hulle nie almal by ons nie? Van waar kry Hy dan al hierdie
dinge?”
57 Hulle het aanstoot geneem, maar Yeshua sê vir hulle: “Daar is nie ‘n profeet wat
verag word nie, behalwe in sy tuisdorp en in sy huis.”
58 Hy het, vanweë hulle gebrek aan vertroue, nie baie wonderwerke daar gedoen nie.
24