Nuwe Verbond.indd - Aramaic Peshitta Bible Repository

Galatiërs
22 Die vrugte van die Gees is liefde, blydskap, vrede, gesondheid, voorspoed en
vergenoegdheid, geduld, sagte omgee, goedheid, vertroue,
23 nederigheid en volharding. Teen sulke dinge is die wet nie opgestel nie,
24 maar dié wat aan Die Gesalfde Een behoort, het die menslike natuur met al sy
siektes en begeertes gekruisig.
25 Ons moet daarom in die Gees leef en aan die Gees oorgee
26 en laat ons nie sonder lof en eer wees nie; mekaar slegmaak en jaloers wees op
mekaar nie.
6 1 My broers, as een van julle deur een of ander oortreding oorval word, moet julle
wat in die Gees is, so een herstel met die gees van sagtheid en nederigheid, en wees
versigtig, dat jy nie ook getoets word nie.
2 Dra mekaar se laste, want so vervul jy die wet van Die Gesalfde Een,
3 want as iemand dink dat hy iéts is, terwyl hy niks is nie, mislei hy homself,
4 maar ‘n man moet sy eie dade toets, dan sal hy in homself kan roem en nie ander
nie,
5 want elkeen moet sy eie taak dra.
6 Hy wat in die boodskap lering ontvang, moet van alles wat goed is deel met hom
wat vir hom lering gee.
7 Moenie ‘n fout maak nie, God laat Hom nie beskaam nie, want enige iets wat die
mens saai, dit sal hy ook oes.
8 Hy wat in sy menslike natuur saai, sal vanuit die menslike natuur vernietiging oes,
maar hy wat in die Gees saai, sal vanuit die Gees die ewige lewe oes.
9 Wanneer ons doen wat goed is, moenie dat dit moeitevol wees nie, want op die
bepaalde tyd sal ons self oes as ons nie moeg word nie.
10 Nou, daarom, terwyl ons tyd het, laat ons aan almal goed doen, maar spesifiek aan
die familie van hulle wat vertrou.
11 Sien die skrif wat ek met my eie hand aan julle skryf.
12 Díé wat in die menslike natuur wil roem, dié dwing julle om julle te laat besny,
want net in die besnydenis sal hulle nie vervolg word in Die Gesalfde Een nie,
13 want hulle wat besny word, gehoorsaam self ook nie die wet nie, maar hulle wil dat
julle besny word, sodat hulle in julle liggame kan roem,
14 maar wat my aanbetref: Ek sal nie roem nie, behalwe in eenheid met die kruisiging
van ons Meester, Yeshua, Die Gesalfde Een, deur wie die wêreld vir my gekruisig
is en ek vir die wêreld,
15 want nòg die besnydenis nòg die onbesnedenheid het enige krag, maar ‘n nuwe
skepping.
16 Vir díé wat met díe pad saamstem: vrede, gesondheid, voorspoed en vergenoegdheid
en aktiewe omgee sal oor julle wees en oor die Yisra’el van God!
17 Daarom moet niemand probleme op my plaas nie, want ek het die merke van die
Meester Yeshua in my liggaam ontvang.
18 Die onverdiende guns van ons Meester, Yeshua, Die Gesalfde Een, bly met julle
gees, my broers! Dit is waar!
297