Nuwe Verbond.indd - Aramaic Peshitta Bible Repository

Handelinge
18 Daarop vat hy hom saam en bring hom by die bevelvoerder oor ‘n duisend en sê:
“Die gevangene, Sha’ul, het my geroep en gevra om hierdie jongman na u toe te
bring, omdat hy iets het om aan u te vertel.”
19 Daarop vat die bevelvoerder oor ‘n duisend hom by die hand en gaan eenkant toe
en vra: “Wat het jy om aan my te vertel?”
20 Die jongman sê vir hom: “Die Jode het ooreengekom om u te vra om Sha’ul môre
af te bring na die Raad, asof hulle hom meer noukeurig wil ondervra.
21 U moet hulle nie vertrou nie, want let op, meer as veertig man onder hulle, wat
hulleself met ‘n eed verbind het om nie te eet of te drink, totdat hulle hom dood
gemaak het nie, lê hom voor en let op, hulle is nou gereed en wag op u belofte.”
22 Die bevelvoerder oor duisend het die jongman laat gaan en hom beveel: “Vertel aan
niemand dat jy my ingelig het nie.”
23 Hy het twee van die kapteins oor honderd na hom geroep en gesê: “Kry twee
honderd soldate en sewentig ruiters en twee honderd regshandige skuts, gereed om
die derde uur (negeuur) vanaand na Kaisareia te gaan,
24 asook pakdiere sodat hulle Sha’ul daarop kan sit en veilig deurkry na Felix, die
goewerneur.”
25 Hy het ‘n brief, wat hy vir hulle by hom gegee het, as volg geskryf:
26 “Klaudios Lusias aan die hoogedele goewerneur Felix: Groete!
27 Hierdie man is deur die Jode gevang om hom dood te maak en ek het hom met die
soldate gehelp en hom gered toe ek verneem dat hy ‘n Romein is.
28 Toe ek te wete wou kom wat die aanklag was waarvan hulle hom beskuldig, het ek
hom na hulle Raad afgebring
29 en uitgevind dat hy beskuldig word oor strydvrae van hulle wet, maar dat hy nie
aangekla word van iets wat die dood of gevangenisskap verdien nie.
30 Omdat aan my gerapporteer is dat daar deur die Jode ‘n komplot teen die man
gesmee word, het ek hom dadelik na u gestuur en ook sy aanklaers gevra om, wat
hulle teen hom het, voor u te bring. Gesondheid!”
31 Daarop het die soldate vir Sha’ul gevat, soos hulle beveel is en hom in die nag na
Antipatris gebring.
32 Die volgende dag het die ruiters die voetsoldate teruggestuur kamp toe
33 en hulle het hom afgebring na Kaisareia toe, die brief aan die goewerneur oorhandig
en Sha’ul voor hom gebring.
34 Toe die goewerneur die brief lees, vra hy uit watter provinsie hy was en toe hy
verneem dat hy uit Kilikia is,
35 sê hy vir hom: “Ek sal jou aanhoor wanneer jou aanklaers ook aangekom het.” Toe
gee hy bevel dat hy in die paleis van Herodes bewaak moes word.
24 1 Na vyf dae het die hoofpriester, Gananyah, die oudstes en ‘n sekere advokaat,
Tertullos, afgekom en hulle saak oor Sha’ul by die goewerneur gebring.
2 Toe hy geroep is, begin Tertullos hom beskuldig en sê: “Deur u leef ons in oorvloed
van rustigheid en deur u versorging het hierdie nasie uitstekende stabiliteit,
3 en ons almal, in elke plek, ontvang u onverdiende guns, Hoogedele Felix,
223