Nuwe Verbond.indd - Aramaic Peshitta Bible Repository

1 1 Die begin van die goeie boodskap van Yeshua, Die Gesalfde Een, die Seun van
God.
2 Sóos dit geskryf is in Yesha’yahu die Profeet: “Let op, Ek sal my boodskapper voor
U Teenwoordigheid uitstuur, om U pad voor te berei.”
3 ‘n Stem wat uitroep: “Berei die weg van die Meester in die wildernis voor en
maak Sy paaie reguit!”
Yes 40:3
Markos
4 Yoganan was in die wildernis al dopend en het die doop van berou, erkenning en
aflegging verkondig vir die bevryding van sondes.
5 Die hele streek van Y’hudah en die inwoners van Yerushalayim het uitgegaan na
hom toe en hy het almal in die Yardenrivier gedoop, wanneer hulle hul sondes erken
en aflê.
6 Yoganan was aangetrek met klere van kameelhare en ‘n gordel van leer om sy heup
en sy kos was sprinkane en heuning van die veld.
7 Hy het verkondig en gesê: “Let op, ná my kom Een wat magtiger is as ek en ek is
nie waardig om af te buk en sy sandaal se band los te maak nie.
8 Ek het julle in water gedoop, maar Hy sal julle in die Gees van Afsondering doop.”
9 Dit was in daardie dae dat Yeshua van Natzeret in die Galil, gekom het en Hy deur
Yoganan in die Yarden gedoop is
10 en dadelik, toe Hy opkom uit die water uit, sien hy die hemele skeur en die Gees
soos ‘n duif op Hom neerdaal
11 en daar was ‘n stem uit die hemel: “Jy is my Seun, wie Ek lief het, waarmee Ek
tevrede is.”
12 Dadelik het die Gees Hom uitgedryf na die wildernis toe.
13 Hy was daar in die wildernis vir veertig dae terwyl Hy getoets is deur Satan. Hy
was saam met die wilde diere en die engele het Hom bedien.
14 Nadat Yoganan gevang is, het Yeshua na die Galil gekom en die goeie boodskap
van die Koninkryk van God verkondig
15 en gesê dat die tyd vanself vol geloop en die Koninkryk van God naby gekom het;
draai om na God toe en vertrou in die goeie boodskap.
16 Terwyl Hy langs die see van Kinneret loop, sien Hy vir Shim’on en Andréas, sy
broer, besig om ‘n net in die see te gooi, want hulle was vissers
17 en Yeshua sê vir hulle: “Kom agter My aan en Ek sal julle vissers van mense
maak”
18 en dadelik het hulle hul nette laat staan en Hom gevolg.
19 ‘n Entjie verder aan, sien Hy vir Ya’akov, die seun van Zavdai en Yoganan, sy
broer, asook dié in die boot besig om hulle nette heel te maak
20 en Hy het hulle geroep en dadelik het hulle hul vader, Zavdai, in die skuit saam met
die huurlinge laat staan en Hom gevolg.
21 Toe hulle K’far-Nagum binnegekom het, het Hy dadelik, op die Shabbat, in hulle
sinagoge lering gegee
22 en hulle was stomgeslaan oor Sy leer, want Hy het hulle geleer soos Een wat
outoriteit het en nie soos hulle leraars van die wet nie.
23 Daar was in hulle sinagoge ‘n man met ‘n vuil gees in hom en hy het uitgeskree
55