Nuwe Verbond.indd - Aramaic Peshitta Bible Repository

Handelinge
6 Hulle het deur die streke van Frugia en Galatikos gegaan en die Gees van Afsondering
het hulle verbied om in Asië die boodskap te verkondig
7 en toe hulle by Musia kom, wou hulle na Bithunia gaan, maar die Gees van Yeshua
het hulle nie toegelaat nie.
8 Toe hulle van Musia af weggaan, het hulle na die Troas-streek afgegaan.
9 Deur ‘n visioen in die nag het daar ‘n Makedoniër by Sha’ul gestaan wat hom smeek
en sê: “Kom na Makedonia en help ons!”
10 Toe Sha’ul die visioen gesien het, het ons dadelik beplan om na Makedonia te
gaan, omdat ons oortuig was dat ons Meester ons geroep het om die goeie boodskap
aan hulle te verkondig.
11 Ons het vertrek vanaf Troas reguit na Samothrake en die volgende dag by Neapolis
gekom
12 en daarvandaan na Filippi, wat die belangrikste stad van daardie deel van Makedonia,
‘n Romeinse kolonie, is. Ons het in hierdie stad ‘n paar dae deurgebring
13 en op die Shabbat het ons uitgegaan, buitekant die stad, langs ‘n rivier, na waar
ons die bidplek gesien het en ons het gaan sit en met die vroue gepraat wat daar
bymekaargekom het.
14 ‘n Sekere vrou met die naam van Ludia, ‘n verkoopster van fyn purper van die stad
Thuateira, ‘n vrou wat God aanbid, het geluister; die Meester het haar verstand, wil
en emosie oopgemaak om te reageer op wat Sha’ul gesê het.
15 Nadat sy en die kinders van haar huis gedoop is, het sy by ons aangedring en gesê:
“As u oortuig is daarvan dat ek in ons Meester vertrou, kom dan in my huis en bly
daar” en sy het baie by ons aangedring.
16 Terwyl ons op pad was na die bidplek, ontmoet ons ‘n sekere slavin, met die Piton-
(luislang)-gees, wat die toekoms kon voorspel, wat vir haar eienaars groot wins
ingebring het deur waarsêery.
17 Sy het Sha’ul en ons gevolg en uitgeskree en gesê: “Hierdie manne is slawe van
Ha-Elyon, (die Allerhoogste God) en hulle verkondig aan julle die pad van lewe.”
18 Dit het sy vir baie dae gedoen en Sha’ul het kwaad geword, hom omgedraai en
vir die gees gesê: “Ek beveel jou in die Outoriteit en Karakter van Yeshua, Die
Gesalfde Een, om uit haar uit te gaan” en hy het op daardie oomblik uitgegaan.
19 Toe haar meesters sien dat die hoop van hulle besigheid uit haar uitgaan, het hulle
Sha’ul en Sila gegryp en hulle na die markplein gesleep
20 en hulle voor die regters en hoofde van die stad gebring en gesê: “Hierdie manne
bring groot moeilikheid in ons stad, omdat hulle Jode is.
21 Hulle verkondig gebruike wat vir ons nie wettig is om aan te neem of te doen nie,
omdat ons Romeine is.
22 ‘n Groot skare het teen hulle bymekaargekom en die regters het hulle klere laat
afskeur en beveel om hulle te gésel.
23 Nadat hulle hul baie houe gegee het, het hulle hul in die tronk gegooi en die
tronkbewaarder beveel om hulle veilig te bewaak.
24 Toe hy só ‘n bevel ontvang, het hy hulle in die binneste tronksel gegooi en hulle
voete in die houtblok vasgemaak.
210