Nuwe Verbond.indd - Aramaic Peshitta Bible Repository

Handelinge
1 1 Die eerste boek, O Theofilos, het ek geskryf oor alles wat Yeshua, Die Gesalfde
Een, begin doen en leer het
2 tot op die dag dat Hy na bo geneem is, nadat Hy vir die afgevaardigdes, wat Hy deur
die Gees van Afsondering gekies het, opdragte gegee het.
3 Hulle aan wie Hy, ná Sy lyding, Homself lewend gewys het deur baie bewyse,
terwyl Hy tydens veertig dae aan hulle verskyn en oor die Koninkryk van God
gepraat het.
4 Terwyl Hy saam met hulle brood geëet het, het Hy hulle beveel om nie van
Yerushalayim af weg te gaan nie, maar om: Luk 24:49 “Te wag op die belofte van die
Vader, wat julle van My gehoor het,
5 want Yoganan het met water gedoop, maar julle sal nie baie dae hierna nie, met die
Luk 3:16
Gees van Afsondering gedoop word.”
6 Toe hulle saam met Hom was, vra hulle Hom en sê: “Ons Meester, gaan U in hierdie
Yes 9:5-6
tyd die koninkryk van Yisra’el herstel?”
7 Hy antwoord hulle: “Dit is nie vir julle om die vasgestelde tye te ken wat die Vader
Deut 29:28
deur Sy eie Outoriteit bepaal het nie,
8 maar wanneer die Gees van Afsondering oor julle kom sal julle krag ontvang en julle
sal My getuies wees in Yerushalayim en in die hele Y’hudah en ook in Shomron en
tot by die grense van die aarde.”
9 Nadat Hy hierdie dinge gesê het, het hulle gesien hoe Hy opgelig word in ‘n wolk in
Dan 7:13
en Hy was verberg vir hulle oë.
10 Terwyl hulle nog na die hemel kyk waarheen Hy weggaan, staan daar twee mans
in wit klere langs hulle,
11 wat vir hulle sê: “Manne van die Galil, waarom staan julle en kyk na die hemel?
Hierdie Yeshua wat van julle af opgevat is in die hemel, sal net so kom soos julle
Z’kh 14:3-5
Hom na die hemel sien weggaan het.”
12 Na dit gaan hulle van die berg af wat genoem word Beit-Tzeitha, wat langs
Yerushalayim is, omtrent drie kilometer, terug na Yerushalayim
13 en toe hulle daar kom, gaan hulle na die bovertrek waar Kefa, Ya’akov, Yoganan,
Andreas, Filippos en T’oma, Bar-Talmai en Mattityahu, Ya’akov, die seun van
(Bar)-Halfai, Shim’on die Yweraar en Y’hudah, die seun van Ya’akov, gebly het.
14 Hulle het almal as een volhard in gebed, in een gees saam met die vroue en met
Miryam, die moeder van Yeshua en saam met Sy broers.
15 In daardie dae het Kefa tussen die studentevolgelinge, dié wat bymekaar was, was
omtrent honderd en twintig manne, opgestaan en gesê:
16 “Broers, dit was reg dat die Skrif vervul moes word wat die Gees van Afsondering
vooruit deur die mond van Dawid gesê het aangaande Y’hudah; hy wat die gids was
vir húlle wat Yeshua gevang het,
17 want hy is saam met ons getal gereken en het ‘n deel van hierdie dienswerk gekry.
18 Dit is hy wat vir hom ‘n stuk grond met die loon van sonde gekoop het en vooroor
op die grond geval, oopgebars en al sy ingewande uitgeval het
19 en dit het bekend geword aan al die inwoners van Yerushalayim sodat daardie stuk
grond in die taal van die streek Gakal-D’ma genoem is, dit is ‘Bloedgrond,’
182