Nuwe Verbond.indd - Aramaic Peshitta Bible Repository

Luka
31 Soek in plaas daarvan die Koninkryk van God; en al hierdie dinge sal vir julle
bygesit word.
32 Moenie bang wees nie, klein kuddetjie, want julle Vader het dit gewil om aan julle
die Koninkryk te gee.
33 Verkoop julle besittings en gee aan die behoeftiges; maak vir julle beurse wat nie
oud word nie, belê wat nie faal nie in die hemel, waar geen dief naby kom of mot
dit vernietig nie,
34 want waar julle rykdom is, daar sal julle gedagtes, wil en emosie ook wees.
35 Laat julle heupe vasgegord wees en julle lampe aan die brand.
36 Julle moet wees soos mense wat op hulle meester wag wanneer hy van die huwelik
af terugkom sodat as hy kom en klop, hulle dadelik vir hom kan oopmaak.
37 Baie gelukkig is daardie slawe vir wie hulle meester waaksaam sal vind as hy kom.
Dit is waar, Ek sê vir julle, hy sal sy heupe vasgord en hulle aan tafel laat teruglê en
hulle kom bedien;
38 en as hy in die tweede of in die derde wagskof kom, gelukkig is daardie slawe wat
hy só kry,
39 maar verstaan dít: as die eienaar van die huis geweet het in watter uur die dief sou
kom, sou hy waaksaam gewees het en nie in sy huis laat inbreek het nie.
40 Net so moet julle ook gereed wees, omdat die Seun van die mens in ‘n oomblik
kom wanneer julle dit nie verwag nie.”
41 Shim’on Kefa sê vir Hom: “Ons Meester, vertel U hierdie vergelykende storie vir
ons of ook vir almal?”
42 Yeshua sê vir hom: “Wie is dan die betroubare en wyse bestuurder wat die meester
oor sy huishouding sal aanstel om vir hulle hulle deel op die regte tyd te gee?
43 Baie gelukkig is daardie slaaf vir wie sy meester, as hy kom, só besig sal vind.
44 Waarlik, Ek sê vir julle, hy sal hom oor al sy besittings aanstel,
45 maar as daardie slaaf in sy hart sê: My meester neem tyd om te kom en hy die
diensknegte en diensmaagde begin slaan, begin eet, drink en dronk word,
46 dan sal die meester van daardie slaaf kom, op ‘n dag dat hy dit nie verwag nie en
in ‘n oomblik dat hy dit nie weet nie; en hy sal hom afsny en sy deel bereken by dié
sonder vertroue.
47 Daardie slaaf wat die wil van sy meester geken het en nie vir hom voorberei het
volgens sy wil nie, sal met baie slae geslaan word,
48 maar hy wat nie geweet het nie en gedoen het wat slae verdien, sal min geslaan
word en elkeen aan wie baie gegee is, van hom sal baie terug verwag word; en aan
hom wie baie toevertrou is, van hom sal hulle baie meer vra.
49 Ek het gekom om vuur op die aarde te gooi en Ek wens dat dit reeds gebrand het
50 maar Ek het ‘n doop om mee gedoop te word en Ek is in ‘n groot stryd totdat dit
voltooi is!
51 Dink julle dat Ek gekom het om vrede in die wêreld te bring? Nee, Ek sê vir julle,
eerder verdeeldheid,
52 want van nou af sal daar verdeeldheid wees in ‘n huis van vyf, drie teen twee en
twee teen drie.
115