Nuwe Verbond.indd - Aramaic Peshitta Bible Repository

Yoganan
21 Hy het dit gesê aangaande die tempel van Sy liggaam
22 en nadat Hy uit die graf uit opgestaan het, het Sy studentevolgelinge onthou dat
Hy dit vir hulle gesê het en hulle het die Skrif vertrou en die boodskap wat Yeshua
gebring het.
23 Terwyl Hy in Yerushalayim gebly het tydens die fees van Pesag, het baie in Sy
Outoriteit en Karakter vertrou, omdat hulle die wondertekens wat Hy doen, gesien
het,
24 maar Yeshua self het h‎‎úlle
nie vertrou nie, omdat Hy almal geken het
25 en omdat Hy nie nodig gehad het dat iemand oor enige iemand sou getuig nie, want
Hy self het geweet wat in die mens is.
3 1 Een van die Fariseërs, met die naam van Nakdimon, ‘n leier van die Jode, het
daar gebly.
2 Hierdie man het in die nag na Yeshua toe gekom en vir Hom gesê: “Leermeester, ons
weet dat U ‘n leermeester is wat vanaf God gekom het, want niemand kan hierdie
wondertekens doen wat U doen, as God nie by hom is nie.”
3 Yeshua antwoord en sê vir hom: “Dit is ‘n tydlose waarheid wat Ek vir jou sê: As
iemand nie van bo af gebore word nie, is dit onmoontlik vir hom om die Koninkryk
Ya’a 1:18; Tit 3:5
van God te sien.”
4 Nakdimon vra vir Hom: “Hoe is dit moontlik vir ‘n mens, as hy oud is, om gebore
te word? Is dit nie onmoontlik vir ‘n man om ‘n tweede keer in die baarmoeder van
sy moeder in te gaan en gebore te word nie?”
5 Yeshua antwoord en sê vir hom: “Dit is ‘n tydlose waarheid wat Ek vir jou sê:
As iemand nie gebore word uit water en Gees nie, is dit onmoontlik dat hy in die
Koninkryk van God kan ingaan.
6 Dit wat uit die vlees gebore is, is vlees en dit wat uit die Gees gebore is, is gees.
7 Moenie verbaas wees dat Ek vir jou gesê het dat dit nodig is vir julle om van bo af
gebore te word nie.
8 Die Gees blaas waar Hy wil en jy hoor Sy Stem, maar jy weet nie vanwaar Hy kom
en waarheen Hy gaan nie. Net so is elkeen wat uit die Gees gebore is.”
9 Nakdimon antwoord en sê vir Hom: “Hoe is dit moontlik vir hierdie dinge om te
gebeur?”
10 Yeshua antwoord en sê vir hom: “Jy is die leermeester van Yisra’el en jy weet
hierdie dinge nie?
11 Dit is ‘n tydlose waarheid wat Ek vir jou sê: Ons sê wat Ons verstaan en Ons getuig
van wat Ons gesien het en julle aanvaar nie Ons getuienis nie.
12 As Ek julle van die aardse dinge vertel en julle dit nie glo nie, hoe sal julle My glo
as Ek julle van die hemelse vertel?
13 Niemand het opgegaan in die hemel in nie, behalwe Hy wat uit die hemel uit
afgekom het, naamlik die Seun van die mens: Hy wat in die hemel is
14 en net soos Moshe die slang in die wildernis opgelig het, so sal die Seun van die
Num 21:6-9
mens opgelig word
15 sodat elke mens wat in Hom vertrou, nie verlore sal wees nie, maar die ewige lewe
sal hê,
144