Nuwe Verbond.indd - Aramaic Peshitta Bible Repository

Handelinge
10 en hy het honger geword en wou eet en terwyl dit vir hom voorberei is, het daar ‘n
geesvervoering oor hom gekom:
11 Hy sien die hemel oopgemaak en ‘n voorwerp soos ‘n groot laken na hom toe
afkom, wat aan die vier hoeke vasgebind is en op die aarde laat sak word.
12 Daarin was al die viervoetige diere van die aarde, kruipende diere en die voëls van
die hemel
13 en daar kom ‘n stem na hom toe: “Staan op, Shim’on, slag en eet!”
14 Shim’on sê: “Nooit nie, my Meester, want ek het nog nooit iets vuils of onreins
geëet nie.”
15 Weer het die stem vir die tweede keer na hom gekom: “Wat God rein gemaak het,
mag jy nie vuil ag nie.”
16 Dit het drie maal gebeur en die voorwerp is weer in die hemel in opgevat.
17 Terwyl Shim’on nog by homself gewonder het oor wat die visioen, wat hy gesien
het, kon beteken, het die manne wat deur Kornelios gestuur is aangekom en verneem
na die huis van Shim’on en by die hek gaan staan
18 en hulle roep en vra of Shim’on, wat ook Kefa genoem word, daar bly.
19 Terwyl Kefa nadink oor die visioen, sê die Gees vir hom: “Let op! Daar is drie
manne wat jou soek.
20 Staan op, klim af en gaan saam met hulle sonder om te twyfel, want dit is Ek wat
hulle gestuur het.”
21 Toe het Shim’on afgeklim na die manne en gesê: “Dit is ek wat julle soek. Hoekom
het julle gekom?”
22 Hulle sê vir hom: “Kornelios, ‘n kaptein oor honderd, ‘n goeie en Godaanbiddende
man, wat ‘n goeie naam het by al die Jode, het ‘n openbaring ontvang deur ‘n
afgesonderde boodskapper, om u te laat haal na sy huis toe, om te hoor wat u sal sê.”
23 Shim’on het hulle ingenooi en onthaal waar hy gebly het en die volgende dag het
Kefa saam met hulle gegaan en sekere van die broers uit Yafo het saam met hom
gegaan.
24 Die dag daarna het hulle in Kaisareia aangekom waar Kornelios hulle verwag het,
terwyl sy familie en goeie vriende by hom bymekaar was.
25 Toe Shim’on inkom, het Kornelios hom tegemoetgegaan en aan sy voete neergeval
uit eerbetoning,
26 maar Shim’on het hom opgetel en gesê: “Staan op, ek is self ook net ‘n mens.”
27 Terwyl hy met hom praat, gaan hy in en kry baie wat bymekaargekom het
28 en hy sê vir hulle: “Julle weet dat dit nie toegelaat word vir ‘n Joodse man om met
iemand van ‘n ander volk te assosieer of om hom te besoek nie, maar God het my
gewys dat ek geen mens vuil of onrein mag noem nie.
29 Daarom het ek, toe ek geroep is, dadelik gekom. Ek vra dan om watter rede julle
my laat roep het.”
30 Kornelios sê: “Vier dae gelede, omtrent hierdie uur, was ek besig om te vas en
drieuur die middag het ek in my huis gebid en skielik staan daar ‘n man voor my
in wit klere
31 en sê: ‘Kornelios, jou gebed is gehoor en jou omgee dade is voor God in herinnering
gebring.
199