Nuwe Verbond.indd - Aramaic Peshitta Bible Repository

Luka
38 Toe Hy uit die sinagoge uitgegaan het, het Hy in Shim’on se huis gekom. Shim’on
se skoonmoeder het ‘n baie hoë koors gehad en hulle het Hom gevra vir haar
onthalwe
39 en Hy staan op oor haar en bestraf die koors, dit het haar verlaat en sy het onmiddellik
opgestaan en hulle bedien.
40 Toe die son ondergaan, het almal hulle siekes wat siek was van allerhande
siektes, na Hom toe gebring en Hy het op almal van hulle die hand gelê en hulle
gesondgemaak
41 en demone het ook uit baie uitgegaan en geskree en gesê: “Jy is Die Gesalfde Een,
die Seun van God!” Hy het hulle bestraf en hulle nie toegelaat om te sê dat hulle
geweet het dat Hy Die Gesalfde Een is nie.
42 Met die breking van die dag, het Hy uitgegaan en na ‘n eensame plek vertrek en die
mense het Hom gesoek en by Hom gekom en wou Hom teëhou, dat Hy nie vanuit
hulle midde sou weggaan nie,
43 maar Yeshua het vir hulle gesê: “Dit is op My gelê om ook aan die ander stede
die goeie boodskap van die Koninkryk van God te bring, want dit is waarvoor Ek
gestuur is.”
44 Hy het in die sinagoges van die Galil die boodskap verkondig.
5 1 Dit het gebeur dat die skare mense rondom Hom bymekaargekom het om die
Boodskap van God te hoor. Hy het langs die meer van Kinneret gestaan
2 en Hy sien twee bote langs die meer lê en die vissers wat van hulle afgekom het, was
besig om die nette te was.
3 Hy klim in een van die bote, wat aan Shim’on Kefa behoort het en vra hom om ‘n entjie
van die land af weg te vaar en Hy het gaan sit en die mense vanuit die boot geleer
4 en toe Hy klaar gepraat het, sê Hy vir Shim’on: “Vaar uit na die diep water en laat
julle nette sak vir ‘n vangs.”
5 Shim’on antwoord en sê vir Hom: “Leermeester, ons het die hele nag hard gewerk
en niks gevang nie, maar op U woord sal ek die net laat sak.”
6 Toe hulle dit gedoen het, het hulle ‘n baie groot hoeveelheid visse gevang, tot hulle
net wou skeur
7 en hulle wys vir hulle medewerkers in die ander boot om hulle te kom help en toe hulle
gekom het, het hulle altwee die bote so vol gemaak, dat hulle amper gesink het.
8 Toe Shim’on Kefa dit sien, val hy neer by die voete van Yeshua en sê: “Ek smeek
van U my Meester, gaan weg van my, want ek is ‘n sondaar!”
9 ‘n Diepe respek het hom en almal wat by hom was aangegryp, oor die hoeveelheid
vis wat hulle gevang het;
10 en net so ook vir Ya’akov en Yoganan, die seuns van Zavdai, wat Shim’on se
medewerkers was en Yeshua sê vir Shim’on: “Moenie bang wees nie; van nou af sal
jy mense vang tot verlossing.”
11 Hulle het die bote aan land gebring, alles agtergelaat en Hom gevolg.
12 Terwyl Yeshua in een van die dorpe was, kom daar ‘n man, oortrek met melaatsheid
en toe hy Yeshua sien, val hy op sy gesig en smeek Hom en sê: “My Meester, as U
wil, kan U my reinig.”
96