Nuwe Verbond.indd - Aramaic Peshitta Bible Repository

1 Thessalonisense
8 want nou leef ons, as julle sal vasstaan in ons Meester,
9 want watter dank kan ons namens julle aan God betaal, vir al die blydskap waarmee
ons ons verbly om julle ontwil,
10 behalwe dat ons nag en dag al hoe ernstiger voor God bid om julle gesigte te sien
en te voltooi wat aan julle vertroue kortkom,
11 maar God-ons-Vader en ons Meester, Yeshua, Die Gesalfde Een sal ons pad na julle
toe aanwys.
12 Mag Hy julle liefde vir mekaar en vir almal vermeerder en vergroot, soos ons julle
lief het
13 en mag Hy julle verstand, wil en emosie versterk om onberispelik te wees in
afgesonderdheid in die Teenwoordigheid van God ons Vader by die koms van ons
Meester, Yeshua, Die Gesalfde Een, wat saam met al Sy afgesonderdes is.
4 1 Daarom, my broers, vra ons van julle en bid ons ernstig vir julle in ons Meester,
Yeshua, dat julle al hoe meer mag groei, soos julle van ons ontvang het hoe julle
moet leef en God tevrede stel,
2 want julle weet watter opdragte ons julle in ons Meester, Yeshua gegee het,
3 want dít is die wil van God: julle afsondering en dat julle moet wegbly van alle
seksuele oortredings
4 en dat elkeen van julle sal weet dat ‘n persoon sy maat moet hê in afsondering en
eer,
5 nie in hartstogtelike begeertes soos die ander nasies wat God nie ken nie.
6 Niemand moet hierin te vêr gaan en sy broer bedrieg nie, omrede ons Meester die
Wreker is van al hierdie dinge, net soos ons vroëer vir julle gesê en getuig het,
7 want God het julle nie tot onreinheid geroep nie, maar tot afsondering.
8 Gevolglik, wie ookal bedrieg, bedrieg nie ‘n mens nie, maar vir God wat Sy Gees
van Afsondering in julle gee.
9 Aangaande die liefde vir die broers het julle nie nodig dat ons vir julle skryf nie,
want julle is self deur God geleer om mekaar lief te hê;
10 en julle doen dit ook aan al die broers in die hele Makedonia, maar ons versoek
julle, broers, om meer oorvloedig te wees
11 en wees ywerig daarin om vredevol te wees en julle eie dinge te doen en met julle
eie hande te werk, net soos ons julle beveel het
12 sodat julle ordentlik kan leef teenoor die wat buite is en nie van iemand afhanklik
is nie.
13 Broers, ek wil hê dat julle moet weet dat julle nie moet rou oor die wat dood is soos
die res van die mensdom wat geen versekerde verwagting het nie,
14 want as ons vertrou dat Yeshua gesterf en opgestaan het, dan net so, dat God die
wat in Yeshua dood is, saam met Hom bring,
15 want dit sê ons vir julle na aanleiding van die boodskap van ons Meester, dat ons wat in
die lewe oorbly wanneer ons Meester kom, die wat dood is, nie sal vóór wees nie,
16 want Hy, ons Meester, sal vanaf die hemel afkom met ‘n bevel, met die stem
van die hoof engel en met die geklank van die trompet van God en die wat in Die
Gesalfde Een gesterf het, sal eerste opstaan
322