Nuwe Verbond.indd - Aramaic Peshitta Bible Repository

Titos
1 1 Sha’ul, ‘n slaaf van God en ‘n afgevaardigde van Yeshua, Die Gesalfde Een, in
die vertroue van die wat gekies is deur God en van kennis van die waarheid wat in
respekvolle eerbied tot God is,
2 in die versekerde verwagting van die ewige lewe wat die Ware God voor die tyd aan
die wêreld beloof het,
3 Hy het op Sy tyd Sy boodskap bekend gemaak, deur die verkondiging, wat aan my
toevertrou is, deur die opdrag van God, ons Lewegewer.
4 Aan Titos, my ware kind, volgens die innerlike vertroue: Onverdiende guns en vrede,
gesondheid, voorspoed en vergenoegdheid van God-die-Vader en ons Meester,
Yeshua, Die Gesalfde Een, ons Lewegewer!
5 Om hierdie rede het ek jou in Krete agtergelaat sodat jy sou regmaak wat kortgekom
het en oudstes van stad tot stad sou aanstel soos ek jou beveel het:
6 Iemand wat onberispelik is, die man van een vrou is, kinders het wat vertrou, wat nie
beledigend is nie en nie sonder om hulle te onderwerp, immoreel leef nie,
7 want ‘n oudste moet, as iemand oor die huis van God aangestel, onberispelik wees,
ook nie beheer word deur sy eie denke nie, ook nie ‘n slegte humeur hê nie, ook nie
‘n oormatige wyndrinker wees nie, ook nie ‘n vinnige hand hê om te slaan nie, ook
nie ‘n vuilgewinsoeker wees nie.
8 Daarteenoor moet hy lief wees vir vreemdelinge, lief wees vir die goeie, hy moet
beskeie wees, regverdig, afgesonderd, homself weghou van begeertes,
9 die lering van die boodskap van vertroue moet vir hom belangrik wees sodat hy in
staat kan wees om met die gesonde leer te versterk en te vertroos, sowel as om dié
wat twissoekkerig is te berispe,
10 want daar is baie wat nie gehoorsaam is nie; hulle woorde is leeg en hulle mislei
die gedagtes van mense, veral dié wat vanuit die besnydenisleer is.
11 Hulle mond moet gestop word, want hulle vernietig baie huishoudings en leer wat
nie reg is nie, ter wille van vuil winste.
12 Een vanuit hulle, hul eie profeet, het gesê: “Die inwoners van Krete is altyd
leuenaars, bose wildediere, kinderlose baarmoeders.”
13 Hierdie getuienis wat hy gebring het, is waar. Daarom moet jy hulle skerp aanspreek
sodat hulle gesond kan wees in vertroue
14 en hulle nie oorgee aan Joodse fabels en opdragte van mense wat die waarheid
haat nie.
15 Alles is rein vir die wat rein is; vir die besoedeldes en ongelowiges is daar niks rein
nie, maar hulle denke en hulle gewete is besoedel.
16 Hulle verklaar dat hulle God ken, maar hulle verwerp Hom deur hulle dade en hulle
is vyande, sonder gehoorsaamheid en verwerp vir elke goeie werk.
2 1 Sê jy egter dít wat by die regte leer pas.
2 Leer dat die ou manne waaksaam moet wees in hulle gedagtes, beskeie, rein, suiwer
in vertroue, in liefde en in geduld.
3 Op dieselfde manier moet die ouer vroue in hulle optrede wees soos dit die aanbidding
van God pas en nie kwaadpraters of afhanklik van baie wyn nie, maar leraars van
wat goed is,
342