Nuwe Verbond.indd - Aramaic Peshitta Bible Repository

2 Thessalonisense
8 en dan sal die Bose Een geopenbaar word; hy wat met die asem van ons Meester,
Yeshua, se mond Yes 11:4, Iyov 4:9 vernietig sal word en deur die openbaring van Sy koms
tot niet gemaak sal word.
9 Die koms van díé een is volgens die werking van Satan, in elke vals krag, tekens en
wonderwerke
10 en met elke misleiding van boosheid in wat vernietig word, want hulle het nie die
liefde vir die waarheid aanvaar waarin hulle lewe sou hê nie.
11 Daarom het God vir hulle die effektiewe werking van die misleiding gestuur, dat
hulle die leuen sal glo.
12 Almal wat nie vertrou het in die waarheid nie, maar boosheid gekies het, sal
geoordeel word.
13 Ons is dit verskuldig om God te alle tye vir julle te dank, my broers waarvoor ons
Meester lief is, dat God julle van die begin af gekies het tot lewe, in die afsondering
van die Gees en in vertroue van die waarheid,
14 waartoe Hy julle geroep het deur ons verkondiging van die goeie boodskap om die
eer en lof van ons Meester, Yeshua, Die Gesalfde Een te wees.
15 Daarom, my broers, wees standvastig en hou vas aan die opdragte wat julle geleer
het òf in die Boodskap òf in ‘n brief van ons
16 Mag ons Meester, Yeshua, Die Gesalfde Een en God-ons-Vader, wat ons lief het
en vir ons ‘n ewige troos en versterking en ‘n goeie versekerde verwagting in
onverdiende guns gegee het,
17 julle verstand wil en emosie versterk en vertroos en mag Hy in elke woord en goeie
daad wees!
3 1 Van nou af, broers: Bid vir ons dat die boodskap van ons Meester mag voort
hardloop en op elke plek vereer en geloof mag word net soos by julle;
2 en dat ons gered sal word van bose en wrede mense, want nie almal vertrou nie,
3 maar is vertrouenswaardig. Hy wat julle sal beskerm en julle sal bevry van
boosheid.
4 Ons vertrou op julle in ons Meester, dat julle alles gedoen het en ook sal doen dit
wat ons julle beveel het.
5 Ons Meester sal julle verstand, wil en emosie lei na die verkondiging van die goeie
boodskap van Die Gesalfde Een en tot in die liefde van God in!
6 Ons beveel julle, my broers, in die Karakter en Outoriteit van ons Meester, Yeshua,
Die Gesalfde Een, dat julle jul afskei van elke broer wat sleg en boos leef en nie
volgens die opdragte wat hulle van ons ontvang het nie,
7 want julle weet self dat dit reg is om ons na te volg, want ons het nie sleg en boos
onder julle geleef nie;
8 ons het ook nie brood by iemand verniet geëet nie, maar ons het met harde werk en
inspanning nag en dag gewerk om niemand van julle tot las te wees nie.
9 Nie dat ons nie die outoriteit het nie, maar om deur ons lewe vir julle ‘n voorbeeld
voor te hou sodat julle ons kan navolg,
10 want ook toe ons by julle was, het ons julle dit beveel: as iemand nie wil werk nie,
moet hy ook nie eet nie,
327