Nuwe Verbond.indd - Aramaic Peshitta Bible Repository

Markos
22 Yeshua antwoord en sê vir hulle: “Julle moet vertroue wat van God is in julle hê,
23 want, dit is waar, Ek sê vir julle dat elkeen wat vir hierdie berg sê: ‘Lig jouself op
en werp jou in die see’ en nie in sy gedagtes twyfel nie, maar vertrou dat wat hy sê,
sal gebeur, dit sal vir hom gedoen word; net wat hy sê.
24 Daarom sê Ek vir julle: Alles wat julle in die gebed vra, vertrou dat julle besig is
om dit te ontvang en dit sal so wees vir jou
25 en wanneer julle staan en bid, vergewe as julle iets teen iemand het sodat julle
Vader wat in die hemel is, julle ook julle oortredinge kan vergewe,
26 maar as julle nie vergewe nie, sal julle Vader wat in die hemele is, ook nie julle
oortredinge vergewe nie.”
27 Hulle het weer in Yerushalayim gekom en terwyl Hy in die tempel loop, kom die
hoofpriesters en die leraars van die wet en die oudstes na Hom toe
28 en sê vir Hom: “In watter outoriteit doen U hierdie dinge en wie het vir U hierdie
outoriteit gegee om hierdie dinge te doen?”
29 Yeshua antwoord en sê vir hulle: “Ek sal julle ook een vraag vra, en antwoord julle
My, dan sal Ek julle sê in watter outoriteit Ek hierdie dinge doen:
30 Die doop van Yoganan: Van waar was dit, vanaf die hemel of vanaf mense? Vertel
My.”
31 Hulle het by hulleself geredeneer en gesê: “As ons sê: ‘Vanaf die hemel,’ sal Hy sê:
‘Waarom het julle hom dan nie geglo nie?’
32 As ons sê: ‘Van mense,’ dan was hulle vir die mense bang, want almal het Yoganan
as ‘n ware profeet beskou.”
33 Hulle antwoord en sê vir Yeshua: “Ons weet nie” en Yeshua antwoord en sê vir
hulle: “Dan sê Ek ook nie vir julle in watter outoriteit Ek hierdie dinge doen nie.”
12 1 Hy het begin om deur ‘n vergelykende storie vir hulle te sê: “’n Sekere man
het ‘n wingerd geplant, ‘n heining rondom gesit, ‘n parskuip gegrawe, ‘n wagtoring
gebou en die sorg daarvan aan werkers oorgegee en na ‘n ander land gegaan.
2 In die tyd dat hy vrugte van die wingerd kon ontvang, stuur hy sy slaaf na die
werkers toe,
3 maar hulle het hom gevat en geslaan en hom met niks weggestuur.
4 Weer het hy ‘n ander slaaf na hulle toe gestuur en op dieselfde manier het hulle hom
met klippe gegooi en gesny en hom in skande weggestuur.
5 Weer het hy ‘n ander een gestuur en hom het hulle doodgemaak. Ook baie ander,
sommige het hulle geslaan en ander doodgemaak.
6 Hy het ook nog een seun gehad, waarvoor Hy baie lief was, en hom laaste na hulle
toe gestuur en gesê: ‘Hulle sal skaam wees voor my seun,’
7 maar daardie werkers het by hulleself gesê: ‘Dit is die erfgenaam; laat ons hom
doodmaak en die erfenis sal ons s’n wees.’
8 Hulle het hom gevat en doodgemaak en buitekant die wingerd uitgegooi.
9 Wat sal die meester van die wingerd dan doen? Hy sal kom en die werkers vernietig
en die wingerd aan ander gee.
10 Het julle selfs ook nie hierdie Skrif gelees nie: ‘Die steen wat die bouers verwerp
het, dit het ‘n hoeksteen geword?
75