Nuwe Verbond.indd - Aramaic Peshitta Bible Repository

Filipense
13 want God werk versigtig in julle om te begeer asook om dit te doen waarna julle
begeer.
14 Doen alles sonder om te kla en sonder verdeeldheid
15 sodat julle volmaak en onberispelik kan wees, as gereinigde kinders van God wat
in ‘n harde en verdraaide geslag leef, Deut 32:5 onder wie julle skyn soos ligte in die
wêreld,
16 want julle staan in die plek van lewe vir hulle, vir my om oor te roem in die dag van
Die Gesalfde Een, want ek het nie verniet gehardloop of vir niks gewerk nie,
17 maar al word ek as ‘n drankoffer uitgegooi oor julle offer en die diens van julle
vertroue, verbly en verheug ek my saam met julle almal.
18 Net so moet julle ook saam met my bly wees en julle verheug.
19 Ek verwag, in eenheid met ons Meester, Yeshua, om Timotheos gou na julle te
stuur sodat dit vir my ook verfrissend kan wees wanneer ek van julle hoor,
20 want ek het niemand anders hier wat net soos ek ernstig omgee vir julle nie,
21 want hulle soek almal hul eie belange, nie dié van Die Gesalfde Een, Yeshua nie.
22 Die bewys van hiérdie een ken julle, dat hy, soos ‘n kind by sy vader, saam met my
in diens van die goeie boodskap is.
23 Ek verwag om hom gou te stuur, sodra ek sien hoe dit met my sal gaan
24 en ek vertrou op my Meester dat ek self ook gou na julle toe sal kom.
25 Nou het ‘n saak my genoodsaak om Epafroditos, my broer, medewerker en julle
afgevaardigde en bedienaar van my behoefte, na julle te stuur,
26 omdat hy na julle almal verlang het en besorg was, omdat julle gehoor het dat hy
siek was;
27 want hy was ook siek, naby die dood, maar God het vir hom omgegee, en nie vir
hom alleen nie, maar ook vir my sodat ek nie droefheid op droefheid sou hê nie.
28 Daarom het ek hom gretiglik gestuur sodat julle hom kan sien en julle verbly en
ek ‘n bietjie sal rus.
29 Ontvang hom daarom in in alle vreugde en hou sulke manne in hoë eer,
30 want ter wille van die werk van Die Gesalfde Een het hy tot naby die dood
gekom en sy lewe nie in ag geneem, om te voltooi wat julle kortgekom het in die
dienslewering aan my, nie.
3 1 Daarom, my broers, verbly julle in eenheid met ons Meester. Dit is vir my nie
moeite om dieselfde dinge aan julle te skryf nie, want dit beskerm julle.
2 Wees versigtig vir honde; wees versigtig vir werkers van boosheid; wees versigtig
vir die vleeslike besnyers,
3 want óns is die besnydenis, die van ons wat God in die Gees dien en roem in Yeshua,
Die Gesalfde Een en ons vertrou nie op die vlees nie;
4 alhoewel ek ook rede het om te vertrou op die vleeslike. As iemand anders dink dat
hy op die vleeslike kan vertrou, ek nog meer:
5 Besny op die agtste dag, Gen 17:8-12 vanuit die familie van Yisra’el, vanuit die stam van
Benyamin; ‘n Hebreër, seun van ‘n Hebreër; in die geskrewe wet ‘n Fariseër;
6 in ywer, ‘n vervolger van die gemeente; volgens die onpartydigheid en opregtheid
wat in die wet vereis word, onberispelik,
310