Nuwe Verbond.indd - Aramaic Peshitta Bible Repository

Luka
6 Toe Pilatos hoor van die Galil, vra hy of die Man van die Galil af is
7 en nadat hy verstaan het dat Hy uit die outoriteitsgebied van Herodes was, stuur hy
Hom na Herodes, wat self ook in daardie dae in Yerushalayim was.
8 Toe Herodes Yeshua sien, was hy baie bly, want hy was al vir ‘n lang tyd begerig om
Hom te sien, omdat hy baie van Hom gehoor het. Hy het gehoop om een of ander
wonderwerk te sien wat deur Hom gedoen word
9 en hy het Hom oor baie sake uitgevra, maar Yeshua het hom niks geantwoord nie.
10 Die hoofpriesters en die leraars van die wet het gestaan en Hom heftig beskuldig.
11 Herodes en sy diensnegte het Hom gespot en nadat hy Hom beledig het, gooi hulle
‘n pers kleed om Hom en stuur Hom terug na Pilatos.
12 Pilatos en Herodes het op daardie dag vriende geword, want hulle was vantevore
in vyandskap teenoor mekaar.
13 Pilatos roep die hoofpriesters, die leiers en die mense bymekaar
14 en sê vir hulle: “Julle het hierdie Man na my toe gebring as Een wat die mense laat
wegdraai en let op, ek het in julle teenwoordigheid ondersoek ingestel en in hierdie
Man geen motief of skuld gevind van die dinge waarvan julle Hom beskuldig nie
15 en ook nie Herodes nie, want ek het Hom na hom toe gestuur en daar is niks deur
Hom gedoen wat die dood verdien nie.
16 Ek sal Hom daarvolgens dissiplineer en Hom loslaat.”
17 Dit was gewoonte om een man vir hulle op die fees vry te laat,
18 maar die hele skare skree saam en sê: “Vat Hom weg en laat Bar-Abba vir ons vry!”
19 Hy is in die tronk gegooi oor ‘n sekere opstand wat in die stad gebeur het en vir
‘n moord.
20 Daarna praat Pilatos weer met hulle, omdat hy Yeshua wou vrylaat,
21 maar hulle het aangehou skree en gesê: “Kruisig Hom, kruisig Hom!”
22 Vir die derde keer sê hy vir hulle: “Watter boosheid het Hy dan gedoen? Ek het
niks in Hom gevind wat die dood verdien nie. Ek sal Hom daarvolgens dissiplineer
en vrylaat.”
23 Hulle het aangehou met ‘n harde geskree en gevra dat Hy gekruisig moes word; en
hulle geskree en dié van die hoofpriesters het die oorhand gekry.
24 Toe gee Pilatos uitspraak dat hulle eis toegestaan moet word.
25 Hy het dié een vir hulle vrygelaat wat oor opstand en moord in die tronk gegooi is,
die een wat hulle gevra het, maar Yeshua het hy aan hulle wil oorgelewer.
26 Terwyl hulle Hom weglei, gryp hulle ‘n sekere Shim’on van Kirene, wat van ‘n
dorpie af gekom het en sit die kruis op hom om dit agter Yeshua aan te dra.
27 ‘n Groot hoeveelheid mense het Hom gevolg, asook vroue wat treur en oor Hom
gehuil het.
28 Yeshua het Hom omgedraai na hulle toe en vir hulle gesê: “Dogters van
Yerushalayim, moenie oor My huil nie, maar huil oor julleself en oor julle kinders.
29 Let op, daar kom dae waarin hulle sal sê: ‘Gelukkig is dié wat nie kinders kan hê
nie, die baarmoeder wat nie geboorte gegee het nie en die borste wat nie gevoed
het nie.’
30 Dan sal hulle begin om vir die berge te sê: ‘Val op ons!’ en vir die heuwels: ‘Bedek
Hos 10:8
ons!’
135