Nuwe Verbond.indd - Aramaic Peshitta Bible Repository

Luka
53 Elke dag was Ek saam met julle in die tempel en julle het nie die hande aan My
geslaan nie, maar hierdie is julle en die prins van die duisternis se uur.”
54 Hulle het Hom gevang en Hom gebring in die huis van die hoofpriester, maar
Shim’on het op ‘n afstand gevolg.
55 Hulle het ‘n vuur in die middel van die binneplaas aangesteek en om dit gaan sit en
Shim’on het saam met hulle gesit.
56 ‘n Sekere slavin het hom by die vuur sien sit en nadat sy hom stip aangekyk het, sê
sy: “Hierdie man was ook saam met Hom.”
57 Hy het dit ontken en gesê: “Vrou, ek ken Hom nie.”
58 Kort daarna sien ‘n ander een hom en sê: “Jy is ook een van hulle,” maar Kefa
antwoord: “Ek is nie.”
59 Ná ongeveer ‘n uur het ‘n ander een daaroor gestry en gesê: “Sekerlik, hierdie man
was ook saam met Hom, want hy is ook van die Galil.”
60 Kefa antwoord: “Man, ek weet nie wat jy sê nie.” Onmiddellik toe hy praat, het ‘n
haan gekraai.
61 Yeshua het omgedraai en na Kefa gekyk en Shim’on het die woord van ons Meester
onthou wat Hy vir hom gesê het: “Voordat die haan kraai, sal jy My drie maal
ontken.”
62 Shim’on het buitentoe gegaan en bitterlik gehuil.
63 Die manne wat Yeshua gevange gehou het, het Hom gespot, toegegooi,
64 in Sy gesig geslaan en gesê: “Profeteer wie dit is wat U geslaan het”
65 en ook baie ander bose dinge teen Hom gesê.
66 Toe die dag breek, het die oudstes van die volk, die hoofpriesters en die leraars van
die wet vergader en Hom na die plek van hulle Raad gebring
67 en vir Hom gevra: “As U Die Gesalfde Een is, sê vir ons.” Hy antwoord hulle: “As
Ek julle antwoord, sal julle My nie glo nie
68 en ook as Ek vra, sal julle My nie antwoord of loslaat nie.
69 Van nou af aan sal die Seun van die mens sit aan die regterhand van Die Krag
Ps 110:1
(HaG’vurah) van God,”
70 Hulle vra almal: “Is U daarom die Seun van God?” Yeshua sê vir hulle: “Julle sê
self Ek Is .”
71 Hulle het gesê: “Hoekom het ons nog getuies nodig, want ons het dit self uit Sy
mond gehoor.”
23 1 Hulle het almal opgestaan en Hom na Pilatos begelei.
2 Hulle het begin om opgesweep te raak om Hom sleg te maak en gesê: “Ons het
gevind dat hierdie man ons mense verlei en verbied om aan die keiser belasting te
betaal; en Hy sê van Homself dat Hy Koning, Die Gesalfde Een, is.”
3 Pilatos vra Hom en sê vir Hom: “Is U die koning van die Jode?” Hy antwoord hom
en sê: “U sê dit.”
4 Pilatos sê toe vir die hoofpriesters en vir die skare mense: “Ek vind geen motief of
oortreding in hierdie Man nie,”
5 maar hulle het geskree en gesê: “Hy maak die mense oproerig met Sy leer, die hele
Y’hudah deur, vandat Hy in die Galil begin het tot hier toe.”
134