1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
-“Их сонин байх болно” гэж Смит юу хэлэх гээд байгааг нь ойлгон хариулав.<br />
-“Зарим шинэ үг нь маш сайн оносон байна лээ. Үйл үгийн тоог цөөрүүлсэн... үүнийг би<br />
танд таалагдана гэж бодож байна. За байз яадаг юм билээ. Толийг танд хүнээр хүргүүлэх үү?<br />
Би ийм юманд их мартамхай хүн шүү. Та завтай цагтаа манайхаар ороод гарч болох юм шүү?<br />
Хүлээж байгаарай, би танд хаягаа өгье”<br />
Тэд яг теледэлгэцийн өмнө зогсож байна. Обрайен халаасаа хайхрамжгүй тэмтэрснээ арьсан<br />
хавтастай тэмдэглэлийн дэвтэр, алтадсан үзэг гаргалаа. Тэрээр нөгөө талд нь ажиглаж буй<br />
хүн уншиж болохоор тодоор хаягаа бичээд хуудас цаасаа тасдаад Смитэд өгөв.<br />
“Би оройдоо ихэвчлэн гэртээ байдаг юм. Би байхгүй бол зарц толийг өгчихнө” гэж тэрээр<br />
хэлэв.<br />
Тэрээр хуудас бичгээ Смитэд өгөөд явлаа. Харин энэ удаа бичгийг нуух шаарддага байхгүй<br />
аж. Гэлээ ч гэсэн Смит хаягийг цээжилж аваад хэдэн цагийн дараа хуудас цаасаа бусад<br />
цаасны хамт ой тойны нүх рүү хаяв.<br />
Тэд хэдхэн хором ярилцсан бөгөөд энэхүү уулзалтыг нэг юмаар л тайлбарлаж болох юм.<br />
Обрайен Смитэд хаягаа өгөх гэж л үүнийг зохион байгуулсан байна. Өөр арга ч байхгүй.<br />
хүний хаягийг өөрөөс нь шууд асууж байж л мэдэж болно. Хаягны лавлах ном гэж байдаггүй.<br />
«Надтай та уулзмаар байвал намайг та тэнд олж болно шүү» гэж үнэн хэрэг дээрээ Обрайен<br />
хэлсэн юм. Толь бичиг дотор бичиг нуучихсан байж болох юм. Юутай ч гэсэн нэг юм<br />
тодорхой байна. Смитийн мөрөөддөг хуйвалдаан ямар ч гэсэн байгаа юм байна, Смит түүнд<br />
их ойртлоо.<br />
Эрт орой хэзээ нэг цагт Обрайены дуудлагыг хүлээн авч тэрээр очиж уулзана. Маргааш очих<br />
уу, аль эсвэл уулзалтаа хойшлуулах уу гэдгээ тэрээр мэдэхгүй байна. Одоогийн энэ болж буй<br />
юм бол хэдэн жилийн өмнө эхэлсэн үйл явцын үргэлжлэл нь юм. Эхний алхам нь санаандгүй<br />
төрсөн бодол, хоёрдахь нь өдрийн тэмдэглэл. Тэрээр бодлоо үг болгосон, одоо үгээ үйл хэрэг<br />
болгож байна.<br />
Сүүлчийн алхам нь Хайрын Яаманд тохиолдох явдал юм. Тэрээр үүнтэй эвлэрчихсэн.<br />
Төгсгөл эхлэлээ агуулна. Харин энэ нь айдас төрүүлнэ. тэрээр тодорхой хэлэхэд үхлийн үнэр<br />
авсан юм шиг, амьд байх нь багассан юм шиг байна. Обрайентэй ярилцаж байхад, урилгын<br />
утга начирыг сайн ухаарахад түүний бие дагжин чичирч байсан юм. Түүнд булшны нүхний<br />
чийгтэй нойтон газар руу орж байгаа юм шиг байна, тэрээр булш холгүй байна, өөрийг нь<br />
хүлээж байна гэдгийг ер нь мэддэг байсан, гэлээ ч ингэлээ гээд түүнд санаа амрах юм алга<br />
байна.