1984
Create successful ePaper yourself
Turn your PDF publications into a flip-book with our unique Google optimized e-Paper software.
удаа санамсаргүй халзан толгойгоо илээд толинд харсан үрчлээ сууж эв хавгүй болсон нүүрээ<br />
санаж билээ.<br />
Оюун ухаан нь ч бага зэрэг сэргэлээ. Тэрээр орондоо хана налж хэвтээд занаран самбараа<br />
өвөр дээрээ тавьж өөртөө боловсрол олгох ажлаа хийж байв.<br />
Тэрээр үг дуугүй бууж өгсөн, тэрээр зориг сэтгэл шулуудсан. Тэр үнэндээ зориг сэтгэл<br />
шулуудахаасаа бүр өмнө үг дуугүй бууж өгөхөд бэлэн байсан юм. Хайрын Яаманд ирсэн<br />
тэрхэн агшинаас теледэлгэцнээс дуулдах хүйтэн үгийг сонсон, Жулиятай хамт аргаа баран<br />
зогсож байсан тэрхэн мөчүүдэд ч Намын сүр хүчний эсрэг гаргасан оролддого нь хөнгөн<br />
хийсвэр явцгүй зүйл гэдгийг ухаарч байсан юм.<br />
Смит одоо Сэтгэхүйн Цагдаа нар түүнийг долоон жилийн туршид томруулагч шилээр цох<br />
хорхойг харж байгаа юм шиг ажиглаж мөрдөж байсныг мэдэж байна. Сэтгэхүйн Цагдаагаас<br />
нэг ч үйлддээ, дуулдахаар хэлсэн нэг ч үгээ тэрээр нууж чадаагүйгээр зогсохгүй<br />
тайлагдаагүй нэг ч бодол санаа үлдсэнгүй. Өдрийн тэмдэглэлийн дэвтрийн хавтсан дээр<br />
үлдээж байсан ширхэг цагаан тоосыг хүртэл тэд сольчихдог байсан байна. Цагдаагийнхан<br />
түүнд дуу хоолойн бичлэг, фото зураг хүртэл гэрч болгож харуулсан юм. Тэдгээр зурагны<br />
зарим нь Жулия тэр хоёрын зураг байв. За тэгээд... байгааг хүртэл харуулсан зураг. Намын<br />
эсрэг цаашид тэмцэл явуулж чадахгүй болсон. Намын л зөв. Ийм л байх ёстой, Мөнхийн,<br />
хамтын оюун ухаан юу гэж апдаа хийх билээ! Намын үзэл баримтлалыг ямар гаднах<br />
шалгуураар үнэлэх юм бэ? Эрүүл ухаан бол тоо бүртгэлийн ойлголт. Тэд нар шиг бодохын<br />
тулд зүгээр л суралцах хэрэгтэй юм. Харин тэхдээ...!<br />
Хуруунд нь харандаа том, барьцгүй юм шиг байна. Тэрээр эхлээд цээжиндээ орсон юмыг л<br />
бичиж байлаа. Эхлээд том үсгээр муруйлган бичлээ:<br />
ЭРХ ЧӨЛӨӨ БОЛ БООЛЧЛОЛ<br />
Үүний дор залгуулаад.<br />
2 X 2 = 5<br />
Энд нэг саатал гарлаа. Түүний оюун ухаан нь ямар нэг юмнаас нуугдах гэсэн юм шиг<br />
төвлөрөхөө болив. Тэрээр дараагийн санаа бэлэн гэж мэдэж байсан мөртлөө түүнийгээ<br />
санадаггүй. Тэгээд нөгөө санаагаа санасан чинь тэр нь толгойд нь аяндаа ож ирсэнгүй, юу<br />
гэсэн үг байх ёстой вэ гэж зориуд бодсоны эцэст орж ирлээ. Цааш нь бичсэн нь,<br />
БУРХАН БОЛ ЭРХ МЭДЭЛ<br />
Тэрээр бүгдийг хүлээж авсан. Өнгөрсөн өөрчлөгдсөн. Өнгөрснийг хэзээ ч өөрчлөөгүй.<br />
Далайн Гүрэн Дорнодазийн Гүрэнтэй дандаа дайтаж байсан юм. Жоунз, Аронсон,<br />
Резерфорд нарыг гэмт хэрэг үйлдсэний улмаас шийтгэсэн юм. Тэрээр тэдний буруутайг<br />
үгүйсгэсэн фото зургийг хэзээ нэгэн цагт үзээгүй. Тэр зураг ерөөсөө байгаагүй, тэр зургийг<br />
санаанаасаа зохиосон юм. Эсрэг тэсрэг юмыг санаж буй мэт санаж байсан, харин тэр нь<br />
хуурамч дурсамж, өөрийгөө хуурсан явдал байсан юм. Энэ бүхэн яасан амархан юм бэ?