1984
Create successful ePaper yourself
Turn your PDF publications into a flip-book with our unique Google optimized e-Paper software.
Жижигхэн эр эрээгүй суухдаа доод хүнд хүндэтгэл үзүүлсэнд нь талархаж буй аж. Смит<br />
түүнийг нүднийхээ булангаар сэм харж суухдаа энэ хүн насан туршдаа чухал хүний дүр<br />
эегэсэн бөгөөд хэдхэн хоромд ч түүнийгээ алдчихвий гэж эмээж байна даа гэж бодно.<br />
Обрайен галуун хүзүүтэй лонхны хүзүүнээс нь бариад шилэн аягыг хар хүрэн өнгөтэй<br />
шингэнээр дүүргэлээ. Смит ханан дээр бил үү, хашаан дээр билүү асар том лонхноос шилэн<br />
аяганд шингэн урсаж байгаа юм шиг цахилгаан гүйдэл гүйхийг харснаа бүдэг бадаг санапаа.<br />
Шингэний дээд тал нь бараг хар юм шиг харагдаж байснаа галуун хүзүүт лонхонд орсон<br />
хойноо бадмаараг шиг өнгөтэй шатаж байж билээ. Исгэлэн амтархаг үнэр ханхалж байна.<br />
Жулия шилэн аягыг гартаа бариад ихэд сонирхон үнэрлэлээ.<br />
“Дарс гэдэг юм” гэж Обрайен жуумалзан хэллээ. "Та энэ тухай номноос уншсан байж таарна.<br />
Харамсалтай нь гадуур Намын гишүүдэд нэг их олдоод байдаггүй байх аа” гээд түүний царай<br />
төв болж хундага өргөлөө. “Хундага өргөхөөс эхлэх нь зүйтэй юм болов уу гэж бодож байна.<br />
Бид бүхний жолоодогч Эммануэл Голдштейний төлөө хундагаа өргөе”<br />
Смит дарсны тухай уншсан, дарс уух юмсан гэж мөрөөддөг тул аягатай дарсыг дуртайяа<br />
гартаа авлаа. Бөөрөнхий шил, ноён Чаррингтоны хагас хугасыг нь мартчихсан шүлгийн<br />
мөрүүдийн нэгэн адил дарс бол сөнөж алга болсон сэтгэл хөдөлгөсөн өнгөрсөн үед,<br />
Смитийн сэтгэл дотроо хуучин цаг үе гэж нэрлэдэг үед хамаарах зүйл юм. Тэрээр дарс бол<br />
чихэрлэг, үхрийн нүдний чанамал шиг чихэрлэг, тэр дороо толгойд гардаг байх ёстой гэж<br />
яагаад ч юм боддог байсан юм. Тэрээр дарсыг амтлахад тэр нь үнэндээ сэтгэлд нь<br />
таалагдсангүй. Тэрээр өдий олон жил жин уусан болохоор үнэнийг хэлэхэд одоо дарсны<br />
амтыг бараг мэдэрсэнгүй. “За тэхлээр Голдштейн гэдэг хүн байдаг байх нь ээ?”<br />
"Тийм ээ, тэр хүн бий. Амьд сэрүүн байгаа. Би харин хаана байдгийг нь мэдэхгүй”<br />
“Хуйвалдаан, нууц байгууллага? Үнэн хэрэг дээрээ байна уу? Сэтгэхүйн Цагдаагийн<br />
зохиосон юм уу?”<br />
“Үгүй. Бодитой оршиж байгаа. Бид Ах дүүгийн барилдлага гэдэг юм. Энэ байгууллага байна,<br />
чи түүнд багтдаг гэдгээс өөр илүү юм мэдэж чадахгүй. Би энэ тухай дахиад ярина” гээд<br />
тэрээр цагаа харлаа. “Дотуур Намын гишүүн хүртэл теледэлгэцээ хагас цагаас илүү<br />
хугацаагаар унтраах ёсгүй юм. Та хоёр хамтдаа ирэх хэрэггүй байсан. Тус тусдаа яваарай”<br />
хэмээн Жулия руу толгойгоо дохиод, "Та эхлээд гарч явна. Бидэнд хориод минут байна. Би<br />
юуны өмнө та нараас хэдэн асуулт асуух ёстойг ойлгож байгаа биз ээ. Ер нь тэхлээр та нар юу<br />
хийж чадах юм бэ?” гэв.<br />
“Чадах бүхнээ л хийхэд бэлэн байна” гэж Смит хариулав. Обрайен цээжээрээ эргэж Смит рүү<br />
харж суулаа. Смит өмнөөс нь ярьж байна гэж ойлгосон бололтой Жулияд хандаж бараг үг<br />
хэдэхгүй байв. Тэрээр хоромхон зуур алгаараа нүдээ дараад хоолойныхоо өнгийг үл хувирган<br />
урдаас цээжилчихсэн хариултыг нь, тэртэй тэргүй мэдэж байгаа асуултыг лам хүн асууж буй<br />
мэт ярьж эхэллээ.<br />
"Та амь насаа золиосолж чадах уу?”<br />
“Чадна”