1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
сүйтгэх ажиллагаа явуулсны улмаас цаазаар авахуулсан Жоунз, Аронсон, Резерфорд гэдэг<br />
хүмүүсийг гэмт хэрэг үйлдээгүй гэж чи үзэж байсан. Тэдний хэргээ хүлээсэн гэдэг нь<br />
зохиомол зүйл болохыг эргэлзээгүй нотлох баримт бичгийг олж харлаа гэж чи итгэж байсан.<br />
Энэ баримт бичгийг гартаа барьж байна гэж чи үнэмшиж байсан. Энэ нь фото зураг байсан<br />
байх” гэж тэрээр хэллээ.<br />
Смит, Обрайен гартаа сонины хайчилбар барьсныг хэдэн хором харлаа. Энэ нь фото зураг<br />
байсан бөгөөд ямар фото зураг гэдгийг тааж ядах юмгүй аж. Энэ нь Смитийн арван нэгэн<br />
жилийн өмнө тохиолдлоор олж үзээд тэр дор нь устгасан нөгөөх Жоунз, Аронсон, Резерфорд<br />
нарын Нью-Йорк хотноо намын баяр ёслолд оролцож буй зураг аж. Энэ зураг Смитийн<br />
нүдэнд харагдаад алга боллоо. Тэрээр зургийг харсан, эргэлзээгүй харсан! Смит аль<br />
байдгаараа өндийх гэж оролдсон боловч өчүүхэн ч өндийж чадсангүй, хөдөлж ч чадсангүй.<br />
Энэхэн хоромд багажны хуваарийг ч мартчихсан байна. Тэрээр одоо зургийг гартаа ганц<br />
хором ч барьж сайн харах юмсан л гэж бодож байна.<br />
“Ийм зураг бий!” гэж тэрээр хашгирлаа.<br />
“Байхгүй” гэж Обрайен хэллээ.<br />
Обрайен эргээд хананд байгаа ой тойны нүх рүү очоод хаалтыг нь дээшлүүллээ. Цаасны<br />
нүдэнд харагдах төдий жижигхэн тасархайнуудыг хүчтэй агаар үлээж улалзсан гал руу<br />
оруулж байна. Обрайен эргээд Смит рүү харлаа.<br />
“Энэ бол үнс. Үнсэнд юу ч харагдахгүй. Тоос. Фото зураг байхгүй. Хэзээ ч байгаагүй юм”<br />
гэж тэрээр хэллээ.<br />
"Тэр зураг байсан! Байгаа шүү! Тэр зураг ой тойнд байгаа. Би санаж байна. Та бол санахгүй”<br />
“Би зургийг санахгүй байна" гэж Обрайен хэллээ.<br />
Смитийн зүрх шимширлээ. Энэ чинь хоёрсэтгэхүй байна. Тэрээр яаж ч чадахгүй гэдгээ<br />
ойлголоо. Обрайен худлаа хэлж байна гэдэгт үнэмшсэн бол энэ нь ач холбогдолгүй зүйл юм.<br />
Обрайен фото зургийг үнэхээр мартчихсан байж болох юм. Үнэхээр ийм юм бол тэрээр фото<br />
зураг байсан гэдгийг санаж байгаагаа үгүйсгэснээ мартчихсан, мартсан гэдгээ ч мартчихсан<br />
байна. Энэ бол зүгээр л бач мэх гэдэгт хэн итгэх юм бэ? Оюун ухаанд ийм солиотой<br />
төөрөгдөл гарч байгаа юм уу?- Смит ингэж бодоод цөхөрч байлаа.<br />
Обрайен түүн рүү бодлогошрон харах бөгөөд тэрээр үг дуулдаггүй, мөртлөө сайн сурлагатай<br />
сурагчаа зодчихсон багш шиг харагдана.<br />
“Өнгөрснийг жолоодох тухай Намын үзэл баримтлал бий. Түүнийг давтан хэлнэ үү” гэж<br />
тэрээр хэллээ.<br />
«Өнгөрснийг жолоодож буй хүн ирээдүйг жолоодоно. Өнөөдрийг жолоодож буй хүн<br />
өнгөрснийг жолоодоно.» гэж Смит дуулгавартайхан хэллээ.
Change language