1984
Create successful ePaper yourself
Turn your PDF publications into a flip-book with our unique Google optimized e-Paper software.
“Чиний нэр чинь хэн бэ?” гэж Смит асуув.<br />
“Жулия. Би чиний нэрийг мэднэ. Уинстон Смит”<br />
“Чи яаж мэддэг юм бэ?”<br />
“Би лав тагнуулчийн хуьд чамаас илүү авьяастай байх аа. Чи зурвас авахаас өмнө намайг юу<br />
гэж боддог байсан бэ?”<br />
Тэрээр худал хэлэхийг хүссэнгүй. Хайр сэтгэлийн нэгэн урьдчилгаа болгож хамаг муу юмаа<br />
эхэлж хэлье гэж бодов.<br />
“Хоёр нүдэндээ үзэхгүй байсан. Хүчиндэж орхиод алчихмаар байсан. Хэдэн хоногийн өмнө<br />
толгойг чинь бул чулуугаар хага цохьё гэж үнэхээр бодож байлаа. Илэн далангүй хэлэхэд<br />
чамайг Сэтгэхүйн Цагдаатай холбоотой гэж бодож байсан шүү”.<br />
Бүсгүй өөрийнх нь зүсээ сайн хувиргасных нь нотолгоо гэж Смитийн үгийг хүлээн авч<br />
баярлан инээлээ.<br />
“Сэтгэхүйн Цагдаатай холбоотой гэж үү? Үгүй байлгүй дээ, чи үнэхээр тэгж бодсон гэж үү?”.<br />
“Яг тэгж бодоогүй ч байж магадгүй. Гэхдээ л чамайг хараад... Чи залуухан, эрүүл чийрэг,<br />
цэвэр цэмцгэр, ойлгож байна уу... гэж би бодсон..”.<br />
“Чи намайг намын үлгэр жишээ гишүүн, үйл хэрэг, бодол санаа нь ариун тунгалаг гэж бодсон<br />
уу? Туг далбаа мандуулах, жагсаал цуглаан хийх, лоозон гаргах, спорт тоглоом хийх, аялал<br />
зохиох нь хэрэггүй дэмий юм. Намайг ялихгүй шалтгаар өөрийг чинь сэтгэхүйнгэмтэн гэж<br />
буруутгана гэж бодоо юу?”<br />
"Тийм ээ, иймэрхүү л юм бодсон. Олонхи залуу бүсгүйчүүд ийм шүү дээ, өөрөө мэднэ дээ”.<br />
“Энэ заваан юмнаас л бүх юм болж байгаа юм” гэж тэрээр хэлээд Бэлгийн харилцаанд<br />
орохын эсрэг залуусын Холбооны час улаан ороолтоо авч бут руу шидэв.<br />
Тэрээр нэг юм санасан мэт бэлхүүсээ тэмтрээд халааснаасаа хугархай шоколад гаргаад<br />
хагасыг нь Смитэд өглөө. Смит гартаа бариагүй байхдаа л үнэрээр нь энэ бол ер бусын<br />
шоколад байна гэдгийг мэдлээ. Тэр нь гялтганасан хүрэн өнгөтэй бөгөөд мөнгөн<br />
цаасанд боолттой аж. Ер нь шоколад бол бүдэг хүрэн өнгөтэй, үйрэмхий, хэлэхэд бэрх,<br />
шатаж буй хогны утааны үнэртэй байдаг юм. Тэрээр хэзээ ч билээ иймэрхүү шоколад амсаж<br />
үзсэн юм. Үнэр нь ямар нэг юм санагдуулах нь юу билээ? Смит юу билээ гэдгийг санаж<br />
чадахгүй байна, гэхдээ л тэр нь санаа зовоож байлаа.<br />
“Чи үүнийг хаанаас олов оо?”.<br />
“Хар зах дээрээс. Гаднаас нь харахад би яг тийм хүн л дээ. Сайн тамирчин. Тагнуулчдын<br />
багийн ахлагч байсан. Бэлгийн харилцаанд орохын эсрэг залуусын Холбооны олон нийтийн