1984
Create successful ePaper yourself
Turn your PDF publications into a flip-book with our unique Google optimized e-Paper software.
Хаалга онгойгоод шинэ хоригдлыг оруулж ирэхэд Смит түүнийг хараад бие нь зарсхийв.<br />
Тэрээр жирийн нэгэн инженер юм уу, техник аж. Түүннй ядрангуй нүүр нь гайхмаар аж.<br />
Хохимой толгой л гэсэн үг. Нүүр нь тураад ам, нүд нь их том юм шиг харагдаад харц нь хэн<br />
нэгнийг юм уу, ямар нэгэн юмыг тэчьяадан үзэн ядаж, жигшсэнийг харуулна.<br />
Шинэ хоригдол Смитийн хажууханд суулаа. Смит түүн рүү дахиад хараагүй ч гэсэн түүний<br />
хохимой толгой шиг нүүр нүдэнд нь харагдсаар байна. Смит одоо л ухаарлаа. Мань эр<br />
өлссөндөө амьсгаагаа хураах гэж буй аж. Өрөөнд байгаа бүх хоригдолд ийм бодол төрөх шиг<br />
боллоо. Хүмүүс сандал дээрээ жаахан хөдөлцгөөв. Эрүүгүй нөгөөх эр хохимой толгойн<br />
нүүртэй эр рүү нэг эгцдэн харж буруу юм хийчихсэн юм шиг нэг өөр тийшээ харснаа дахиад<br />
л түүн рүү харц нь аргагүй татагдаж байна. Тэрээр суудалдаа хавчигнаснаа босоод өрөөний<br />
нөгөө талд буй сандал РУУ ШУУД явж очоод баадайныхаа халааснаас талхны хир болсон<br />
зүсэм гаргаад хохимой толгойнх шиг нүүртэй хүнд өглөө.<br />
Теледэлгэцнээс чих дүлийрэм чанга дуу гарахад хохимой толгойнх шиг нүүртэй хүний бүх<br />
бие дагжин чичирч байна. Хохимой толгойнх шиг нүүртэй эр гараа угз татаж ардаа хийгээд<br />
юу ч аваагүй гэдгээ хүн бүхэнд харууллаа.<br />
“Бамстед! Хорин долоо арван гурав, Бамстед! Талхаа хая!”гэж теледэлгэцнээс бархирлаа.<br />
Эрүүгүй эр тушаалыг дагаж талхаа газар хаяхад хацар нь татвалзаж байна. Өрөөний хаалганы<br />
хяхтнасан дуу гарч залуу офицер орж ирээд хажуу тийшээ болж зогсоход араас нь өргөн<br />
цээжтэй том гартай хуяг орж ирлээ. Тэрээр хоригдлын өөдөөс харж зогссоноо офицерыг<br />
дохио өгмөгц хамаг байдаг чадлаараа хоригдлын эрүү ам руу цохиход хоригдол цаас шиг<br />
хийсч эсрэг талын хананы наана хувингийн хажууханд ойчлоо. Тэр муужран унаж хамар<br />
амнаас нь хар нөжөн цус садарч, ухаан нь балайртан амандаа үглэж байгаа ч юм шиг, гиншиж<br />
байгаа ч юм шиг дуугарч байна. Тэгээд доошоо хараад дөрвөн хөллөн өндийхөд нь амнаас нь<br />
шүлс цустай хамт хиймэл шүдний хоёр эмтэрхий уналаа.<br />
Хоригдлууд гараа өвдгөн дээрээ тавиад хөдлөхгүй сууцгаана. Эрүүгүй эр суудал руугаа<br />
мөлхөн авирахад нэг хацар нь хөхөрчихсөн, ам нь онгойгоод улаан хүрэнтэн хавдчихсан<br />
байна. Баадай руу нь цус тусалсаар байна. Өөрийнх нь доромжлолыг бусад нь хэр зэрэг<br />
жигшиж буйг мэдэх гэсэн юм шиг тэрээр хүн бүрийг гүйлгэн харна.<br />
Хаалга онгойход офицер эрүүгүй эр рүү дохиж:<br />
“101 дүгээр өрөө”гэж тэрээр хэллээ. Смитийн хажууд хүмүүс уулга алдах нь сонсогддоо.<br />
Нөгөөх эр өвдөглөн суучихсан гараа алгаараа нийлүүлэн барьчихсан байна.<br />
“Нөхөр офицер оо! Намайг та нар яавал ч яа! Та нар надад олон хоног хоол өгөхгүй өлсгөлөө.<br />
Би үхвэл ч үхье, энэ бүхнээ дуусгаачээ. Намайг буудаад өгөөч. Дүүжлээд өгөөч. Хорин таван<br />
жилийн ял оноогооч. Би өөр хэнийг барьж өгөх ёстой юм бэ? Та нар хэлээд л аль хэрэгтэй<br />
хүний чинь би нэрлээтэхье. Тэр нь хэн болох, түүнийг та нар яах нь надад падгүй хэрэг. Би<br />
гэр бүлтэй, гурван хүүхэдтэй. Том нь зургаан нас ч хүрээгүй байна. Тэднийг бүгдийг нь<br />
баривчлаад миний нүдэн дээр хоолойг нь огтлооч. Би харж байя. Намайг зуун нэгдүгээр<br />
өрөөнд л бүү аваачаач ээ!”