1984
Create successful ePaper yourself
Turn your PDF publications into a flip-book with our unique Google optimized e-Paper software.
Смит хэдхэн алхмын цаана зогсох бөгөөд түүнд ойртож зүрхлэхгүй байв.<br />
“Би замдаа юм яримааргүй байлаа. Микрофон байвал яана. Бараг үгүй биз дээ, гэхдээ л<br />
юмыг яаж мэдэх вэ. Цаад өөдгүй юмнууд чинь дуу хоолойг танивал яана. Энд айх юм<br />
байхгүй”.<br />
Смитэд түүнд ойртох зүрх хүрэхгүй л байна.<br />
“Энд айх юм байхгүй юү?”<br />
“Айх юм байхгүй. Модыг харж байна уу? Яшил мод байсныг нь огтолчихсон юм билээ. Энд<br />
хүний бугуйнаас нарийхан сургааг ургачихсан юм. Микрофон зоочих бүдүүн мод энд<br />
байхгүй. Тэгээд ч би энд өмнө нь ирж байсан юм”.<br />
Тэр хоёр зүгээр л ярьж байлаа. Смит бүсгүйд юутай ч гэсэн ойртож очлоо. Бүсгүй Смитийн<br />
өмнө зогсоод энэ яагаад хөддөхгүй байна гэсэн шиг жоготойхон инээмсэглэн зогсоно.<br />
Смитийн гар дахь хонхон цэцэгнүүд аяндаа асгаран унахад тэрээр бүсгүйг гараас нь барилаа.<br />
“Би энэхэн хормыг хүртэл чиний нүд ямар өнгөтэйг мэдэхгүй байсан гэвэл үнэмших үү?, Хар<br />
нүд, хар сормуустай харавтар нүд. Чи одоо намайг сайтар хараад авчихлаа. Дургүй чинь<br />
хүрэхгүй байна уу?”<br />
“Огтхон ч үгүй”<br />
“Би гучин есөн настай. Авгайтай, түүнээс хагацаж чаддаггүй. Миний судас бүдүүрсэн. Таван<br />
хиймэл шүдтэй”<br />
“Энэ бүхэн ямар хамаатай юм бэ?”<br />
Хэн нь эхэлснийг анхандаа мэдсэнгүй, нэг л мэдэхэд тэврэлдэн зогсож байна. Анхандаа<br />
тэрээр юу ч мэдэрсэнгүй, зүгээр л бодож зогслоо. Ийм амархан уу гэж бодлоо. Бүсгүйн залуу<br />
халуун бие өөр рүү нь наалдаж өтгөн хар үсэнд нь нүүр нь шүргэж байна. Тийм ээ, Үнэхээр<br />
шүү!, Бүсгүй толгойгоо дээш өргөхөд тэрээр зөөлхөн улаан уруул дээр нь үнслээ. Бүсгүй<br />
Смитийг хүзүүгээр нь тэврээд хонгор минь, хайрт минь, амраг минь хэмээн Смитийн гарын<br />
аяыг<br />
даган хэвтэж хүссэнээр нь болов. Харамсалтай нь тэрээр бүсгүйн биед нь хүрснээс өөр<br />
таашаал авсангүй. Түүнд өөрт нь баяр бахдал төрж байсан ч одоо болтол энэ болж буй юманд<br />
итгэж чадахгүй байлаа. Тэрээр энэ бүхэнд баярлаж байсан ч хүсэл тачаал төрөхгүй байна.<br />
Бүх юм хэтэрхий түргэн боллоо. Бүсгүйн залуу нас, гоо үзэсгэлэнгээс эмээж байна. Тэрээр<br />
эмэгтэй хүнтэй хавьтахгүй байгаад дасчихжээ. Бүсгүй өндийж суугаад үсэндээ наалдсан<br />
хонхон цэцгийг авснаа Смит рүү наалдан бүсэлхийгээр нь дахин тэвэрлээ.<br />
“Зүгээр, хонгор минь. Яарах юм байхгүй. Бидэнд цаг байна. Сайхан нуугдах газар байгаа биз?<br />
Би аяллын үеэр бусдаас хоцорч яваад олсон юм. Ойр хавьд хүн явбал зуун метрийн цаанаас<br />
дуулдана”