1984
Create successful ePaper yourself
Turn your PDF publications into a flip-book with our unique Google optimized e-Paper software.
II<br />
Тэрээр далайн хөлгийн дүүжин ор шиг бөгөөд хөдөлбөл уначих гээд байдаг ер бусын өндөр<br />
орон дээр хэвтэж байна. Нүүр рүү нь ерийнхөөс арай хүчтэй гэрэл тусч байна. Обрайен<br />
хажууд нь зогсчихсон түүн рүү нүд цавчилгүй харж байна. Нөгөө талд нь цагаан халаадтай<br />
гартаа тариурын зүү барьсан хүн зогсч байна.<br />
Смит нүдээ нээсэн боловч хаана байгаагаа сайн ойлгосонгүй. Энэ өрөөнд огт өөр ертөнцөөс<br />
хөвөн орж ирсэн, тээр доор байгаа далайн гүний ертөнцөес ирсэн мэт сэтгэгдэл нь хэвээр<br />
байна. Тэрээр энд хэр удаж байгаагаа мэдэхгүй. Түүний хувьд баригдсанаас нь хөйш өдрийн<br />
гэрэл гэгээ, шөнийн харанхуй гэж байхгүй болсон. Үүний зэрэгцээ түүний дурсамж бодол<br />
тасалдаж байлаа. Зүүдэнд гардаг шиг ухаан санаа нь бүрмөсөн алга болоод дараа нь дахиад л<br />
хоосон завсарлагын дараа гарч ирнэ. Энэ завсарлага өдрөөр, хэдэн долоо хоногоор, хэдхэн<br />
хормоор уу гэдгийг ойлгох боломж байхгүй байна.<br />
Тохой руу нь анх хүчтэй цохисноос тарчлал эхэлсэн юм. Түүнд тохиолдсон энэ бүхэн бол бүх<br />
хоригдлуудад тулгардаг жирийн байцаалт, бэлтгэл байсныг сүүлдээ ойлгосон юм. Хүн бүр<br />
гэмт хэргийн урт жагсаалтад орсон хэргүүд, тагнуул туршуул хийсэн хэрэг, хорлон сүйтгэх<br />
ажиллагаа гэх мэт гэмт хэрэг үйлдсэнээ хүлээх ёстой болдог юм. Хэргээ хүлээх нь ёс төдий<br />
хэрэг бөгөөд эрүү шүүлтийг хийсэн шиг хийдэг юм. Түүнийг хэдэн удаа, хичнээн удаан<br />
зодож нүдсэнийг санахгүй байна. Дүрэмт хар хувцастай тав зургаан хүн түүнийг тарчлааж<br />
байлаа. Тэд заримдаа зангидсан гараараа, заримдаа бороохойгоор, заримдаа төмөр утсаар,<br />
заримдаа гуталтай хөлөөрөө өшиглөж зодно. Зарим үед тэрээр адгуус лугаа адил шалан<br />
дээгүүр ичгүүргүй мөлхөн тахилзаж мушгиралдаж аргаа баран цохилтоос зайлах гэж байгаад<br />
хавирга, гэдэс, шагай, цавь, төмсөг, нуруу руугаа улам хүчтэй цохиулна.<br />
Энэ тарчлаан зогсоо зайгүй үргэлжлээд байхад хамгийн хатуу, аюумшигтай, уучилж үл болох<br />
юм нь тэрээр ухаан алдахгүй байгаад орших юм шиг түүнд санагдах үе ч байлаа. Эр зориг нь<br />
халихаар тэрээр зодож эхлэхээс нь бүр өмнө өршөөл гуйж, зангидсан гараа өргөхөд нь<br />
жинхэнэ үйлдсэн болон зохиомол бүх хэргээ хүлээх үе ч байсан. Тэрээр ямар ч хэрэг<br />
хүлээхгүй гэж дотроо зориглох үе ч байсан бөгөөд энэ үед өвдсөнөөсөө болж ёолох бүрд нь<br />
амнаас нь үгийг нь гаргуулж байлаа, тэрээр өөртэйгөө «Би бүгдий нь хүлээнэ, гэхдээ шууд<br />
хүлээхгүй. Тарчлаан тэсч байхын аргагүй болтол тэснэ. Дахиад гурав, дахиад хоёр цохихоор<br />
нь бүх хэрэгтэй юмыг нь хэлье» гэж өөртөө ая тал засна. Заримдаа зодуулж нүдүүлсний<br />
дараа арайхийж хөл дээрээ тогтоно, түүнийг шуудайтай элс шиг шал дээр хаячихна, хэдэн<br />
цаг сэхээ ортол нь байлгаад дахиад л зодохоор авч явна. Зарим үед энэ завсарлага арай удаан<br />
үргэлжилж энэ үеийг унтаад юм уу, ухаангүй өнгөрөөсөн болохоор муухан санана, хананаас<br />
сугалж гаргадаг хавтгай модон ортой, төмөр угаагууртай өрөө болон халуун шөл, талх зарим<br />
үед өгдөг кофег санаж байна. Тэрээр уйтгартай царайтай үсчин сахлыг нь хусаж үсийг нь<br />
засаж байсныг, ажилсаг байртай жишим ч үгүй цагаан халаадтай хүмүүс ирээд судсыг нь<br />
барьж үзээд, мэдрэлийг нь шалгаад, нүднийх нь зовхийг нээж хараад, ширүүн гараараа яс нь<br />
хугарсан эсэхийг тэмтрээд гарын булчинд нь унтуулах тариа хийж байсныг санаж байна.<br />
Зодох нь багасаад зодно гэж сүрдүүлэх нь ихэслээ. Хэрвээ муу хариулах юм бол тарчлааныг<br />
дор нь эхлүүлнэ. Одоо түунийг дүрэмт хар хувцастай дүрсгүй бандь нар бус хурдан