1984
Create successful ePaper yourself
Turn your PDF publications into a flip-book with our unique Google optimized e-Paper software.
Шинхэлийн зарчмууд<br />
Шинхэл нь Далайн Гүрний албан ёсны хэл бөгөөд энэ хэлийг Ангсоц буюу Английн<br />
социализмын үзэл суртлын хэрэгцээг хангах гэж зохиосон. <strong>1984</strong> онд хэн ч энэ хэлийг<br />
харилцааны цорын ганц хэрэглэгдэхүүний хувьд аман болон бичгийн хэрэгцээнд<br />
хэрэглэдэггүй байсан юм. Таймс сонины тэргүүнийг Шинхэлээр бичиж байв. Ингэх нь их ур<br />
чадвар шаарддаг тул түүнийг зөвхөн нарийн мэргэжилтнүүдэд даалгадаг байв. 2050 он гэхэд<br />
Хуучхэл (орчин цагийн бичгийн хэл гэсэн үг)-ийг бүрмөсөн шахан зайлуулна гэж тооцоолж<br />
байсан. Намын бүх гишүүн Шинхэлийн үг, дүрмийг өдөр тутмынхаа хэл ярианд улам өргөн<br />
хэрэглэх болсноор энэ хэл өнөөг хүртэл хэлбэрэлтгүй газар авсаар байна. Энэ хэлний <strong>1984</strong><br />
онд хэрэглэж буй Шинхэлийн толийн ес, аравдахь хэвлэлд орсон хувилбар нь түр зуурын<br />
бөгөөд сүүл рүүгээ хасагдах илүү, хуучирсан үгс агуулдаг аж. Энд бид Толины арван<br />
нэгдүгээр хэвлэлд орсон хамгийн сүүлийн төгс төгөлдөр хувилбарын тухай ярих болно.<br />
Шинхэлийг зохиосон зорилго бол Ангсоцыг шүтэн бишрэгчдийн ертөнцийг үзэх үзэл,<br />
сэтгэлгээний зохистой зуршлыг илэрхийлэх арга хэрэгслийг зөвхөн бий болгоод зогсохгүй,<br />
түүнчилэн өөр бусад сэтгэхүйг гаргахгүй байхад оршино. Шинхэлийн хэл бүрмөсөн эргэлт<br />
буцалтгүй хэлбэршиж Хуучхэл мартагдахад тэрс сэтгэлгээ, Ангсоцийн зарчмаас гажсан<br />
сэтгэхүй нь нэгэнт л сэтгэхүй үгээр илэрхийлэгддэг болохоор шууд утгаараа учир утгагүй<br />
болно гэж үзсэн юм. Үгсийн санг зохиохдоо Намын гишүүний зохистой илэрхийлж болох<br />
утга агуулга бүрийг маш нарийн гаргаад бусад бүх утга агуулга болон тойруу арга замаар ийм<br />
агуулгад хүрч болох боломжийг хаасан болно. Үүнийг шинэ үг зохиох аргаар, тэхдээ гол нь<br />
таарахгүй үгийг хасах, тууштай бус утга агуулгаас үлдсэн үгийг арилгах, хоёрдугаар зэргийн<br />
бүх үгийг хасах аргаар зохиосон болно. Жишээ татья. Шинхэлд эрх чөлөөтэй гэсэн үг одоо ч<br />
бий. Харин энэ үгийг “Энэ нохой бөөснөөс чөлөөтэй” буюу "Талбай хогийн ургамлаас<br />
чөлөөтэй” гэсэн утгаар л хэрэглэж болно. Бодох сэтгэх эрх чөлөө, улс төрийн эрх чөлөө гэдэг<br />
нь үзэл баримтлалынхаа хувьд байхаа больсон тул тэдгээрийг илэрхийлэх шаардлага байхгүй<br />
болсон юм. Ингэхлээр энэ үгийг «улс төрийн эрх чөлөө», «оюуны хувьд эрх чөлөөтэй» гэсэн<br />
хуучин утгаар хэрэглэхээ больсон. Илэрхий тэрс утгатай үгийг арилгахын зэрэгцээ толины<br />
үгийг цөөлөх нь бас нэг чухал зорилт гэж үзсэн бөгөөд хэрэглэхгүй байж болох бүх үгийг мөн<br />
хассан юм. Шинхэл нь бодлын цар хүрээг тэлэх бус хумихад зориулагдсан тул үг сонголтыг<br />
хамгийн доод хэмжээнд хийсэн нь энэ зорилгод нийцнэ.<br />
Шинхэлийг бидний өнөөгийн мэддэг Англи хэл дээр үндэслэн зохиосон юм, харин шинээр<br />
зохиосон үг ороогүй Шинхэлийн олонхи өгүүлбэр өнөөгийн англи хэлээр ярьдаг хүнд<br />
ойлгомжгүй юм шиг ч байж болно. Шинхэлийн үгсийн сан гурван ангиллаас бүрдэнэ. А<br />
үгсийн сан, Б үгсийн сан (нийлмэл үг ч гэж нэрлэх нь буй) болон Г үгсийн сан болно.<br />
Эдгээрийг тус тусад нь авч үзэх нь хялбар юм, харин бүх ангиллын хувьд дүрэм нь адилхан<br />
тул дүрмийн онцдогийг А үгсийн санд нэгтгэж болох юм гэж үзсэн болно.<br />
А үгсийн сан нь өдөр тутмын амьдрал ахуйд зайлшгүй хэрэглэх шаардлагатай үгсийг хамарна:<br />
идэх, уух, ажиллах, хувцаслах, шатаар өгсөх, буух, дугуй унах, цэцэг тарих, хоол хийх г. м.<br />
Эдгээр нь өнөөгийн бидний хэрэглэж буй бараг бүх үг, тухайлбал, цохих, гүйх, нохой, мод,<br />
чихэр, байшин, талбай гэх мэтээс бүрдэнэ. Нөгөө талаар өнөөдрийн Англи хэлний үгийн<br />
сангаас хамаагүй бага бөгөөд тэдгээрийн утгыг маш нарийн гаргасан болно. Агуулгын