1984
Create successful ePaper yourself
Turn your PDF publications into a flip-book with our unique Google optimized e-Paper software.
Пуужин тун ойрхон унасан бололтой юм. Смит Жулиягийн шохой шиг хувхай цайчихсан<br />
царайг хажуудаа ойрхон харлаа. Уруул нь хүртэл цайчихсан байна. Алуулчихжээ! Тэрээр<br />
бүсгүйг тэвэрч авснаа амьд хүний халуун нүүрийг үнсэж байгаагаа мэдэрлээ, харин аманд нь<br />
нарийн тоос амтагдаж байна. Тэр хоёрын нүүр нь нилдээ цементийн тоосонд дарагджээ.<br />
Тэд заримдаа болзсон газраа ирээд бие бие рүүгээ харал-гүй салах тохиолдол ч гардаг<br />
байлаа. Гудамжны булангаас эргүүл гараад ирнэ, толгой дээгүүр нисдэг тэрэг эргэлдэнэ. Тэр<br />
хоёрт тохиолдох аюулаас гадна уулзах цаг гаргахад ч амаргүй байлаа. Смит долоо хоногт<br />
жаран цаг ажиллаж Жулия үүнээс ч олон цаг ажилладаг болохоор тэр хоёрын амралтын өдөр<br />
нь таарахгүй байхаас гадна ажлын их багаас хамаарч олдцог байв. Жулия лекцэнд суух,<br />
жагсаал цуглаанд оролцох, Бэлгийн харилцаанд орохын эсрэг залуусын Холбооны ном<br />
тараах, Үзэн ядах долоо хоногийн лоозон бэлтгэх, янз бүрийн сайн дурын хураамж цуглуулах<br />
гэх мэтийн ажилд гайхмаар их цаг зарцуулж байлаа. Ийм далдлан халхавчлал ашгаа өгнө гэж<br />
тэрээр ярина. Жижиг сажиг дүрэм журмыг нь сахих юм бол том дүрмийг нь зөрчиж болно.<br />
Тэрээр идэвхтэй Намын гишүүдийн ажлын бус цагаар сайн дураараа хийж буй зэр зэвсэг<br />
хийх ажилд нэрээ бичүүлж оролцож нэг оройгоо өнгөрөөж байхыг Смитэд ятгаж чадсан юм.<br />
Тэд хонхонд уулзахдаа өмнө тасарсан яриагаа нөхөж чаддаа. Халуу шатсан өдөр хонхны<br />
жижигхэн дөрвөлжин өрөө бүгчим халуун бөгөөд тагтааны өтөгний тэсэхүйеэ бэрх үнэр<br />
ханхална. Тэд гишүү дүүрсэн тоостой шал дээр суугаад ярилцана, нэг нь үе үе босож<br />
жижигхэн цонхоор хүн ирж буй эсэхийг харуулдана.<br />
Жулия хорин зургаан настай, гучин залуу эмэгтэйтэй хамт нийтийн байранд суудаг<br />
(Хүүхнүүдийн өмхий үнэр бүх юманд ханхална! Хүүхнүүдийг харахаар ой гутах юм! гэж<br />
тэрээр дашрамд үглэнэ) бөгөөд Смитийн таамаглаж байсанчлан Уран зохиолын газар роман<br />
зохиодог машин дээр ажилладаг аж. Тэрээр хүчтэй, нарийн ажиллагаатай цахилгаан мотор<br />
ажиллуулдаг ба энэ ажилдаа дуртай. Хэдийгээр «авьяасгүй» боловч гараар ажиллах дуртай,<br />
техник сайн мэддэг юм. Роман зохиох бүх үйл явц, төлөвлөгөөний хорооноос өгч буй<br />
ерөнхий чиглэлээс аваад хяналтын бүлгийн хийсэн засварыг хүртэлх бүх үйп явцыг тэрээр<br />
тайлбарлан ярьж чадна. Тэрээр эцсийн бүтээгдэхүүнээ сонирхдоггүй, «Би унших дургүй»<br />
гэж ярьсан. Түүний хувьд ном бол жимсний жигнэмэг, гутлын оосор лугаа адил өргөн<br />
хэрэглээний бараа юм.<br />
60-аад оны дунд хүртэл юу болж байсныг тэрээр санадаггүй бөгөөд хувьсгалын өмнө юу<br />
болж байсныг санагдуулдаг түүний мэдэх ганц хүн байсан нь есөн настай байхад нь сураггүй<br />
алга болсон түүний өвөө юм. Сургуульд сурч байхдаа хоккейн багийн ахлагч байсан ба хоёр<br />
жил дараалан гимнастикийн аврага болж байжээ. Тагнуулчдын бүлгийн ахлагч байснаас<br />
гадна Бэлгийн харилцаанд орохын эсрэг залуусын Холбоонд элсэхээс өмнө Хүүхдийн<br />
Холбооны хэсгийн ахлагч байсан аж. Хаана л байна тэргүүлж байжээ. Түүнийг тэр ч<br />
байтугай уран зохиолын газрын үгээгүйчүүдэд зориулан хямдхан порно сэтгүүл гаргадаг<br />
порно тасгийн ажилд (нэр хүнд сайны шинж тэмдэг) нэрийг нь дэвшүүлжээ. Ажилтнууд нь<br />
энэ тасгийг Өтөг бууцны хашаа гэж нэрлэдэг хэмээн Жулия ярьжээ. Жулия тэнд нэг жил<br />
ажиллахдаа «Зүггүйдсэн түүх», «Охидын сургуульд өнгөрөөсөн нэгэн шөнө» гэх мэт<br />
номуудыг хэвлэн гаргах ажилд оролцсон бөгөөд энэ номыг дугтуйд хийж наагаад илгээдэг,<br />
үгээгүйчүүдийн залуус хориотой ном худалдаж авч байна гэж итгээд тэдгээрийг сэмхэн