1984
Create successful ePaper yourself
Turn your PDF publications into a flip-book with our unique Google optimized e-Paper software.
II<br />
Смит хаалганыхаа түгжээг онгойлгох гэж байхдаа өдрийн тэмдэглэлийн дэвтрээ хамхилгүй<br />
ширээн дээр орхисноо харав. ИХ АХ СӨНӨТҮГЭЙ гэсэн хуудсан дээрх бичээс нь өрөөний<br />
үүднээс ч харагдахаар том харагдана. Ингэж дэвтрээ орхисон нь толгойд багтамгүй тэнэг<br />
хэрэг байлаа. Гэлээ ч гэсэн тэрээр сандарч тэвдэж байхдаа ч бэх нь хатаж амжаагүй байхад<br />
нь толигор цаасаа балиартуулах бодолгүй байсан гэдгээ сая ухаарлаа.<br />
Тэрээр амьсгаагаа бариад хаалгаа онгойлгоод сэтгэл нь ихэд уужрав. Үүдэн дээр зэвхий<br />
царайтай, шингэн үстэй, үрчлээтэй нүүртэй ядрангуй хүүхэн зогсож байлаа.<br />
“За нөхөр минь” гэж тэрээр гоншигноод “Би чамайг орж ирж байгааг дуулах шиг болсон юм.<br />
Чи очоод манай гал зуухны өрөөний угаагуурыг үзээд өгнө үү. Бөглөрчихөж ээ, тэгээд” гэв.<br />
Энэ эмэгтэй бол нэг давхрынх нь хөрш Хатагтай Парсонс байлаа. (Нам “Хатагтай” гэдэг үг<br />
хэрэглэхийг зохимжгүй гэж үздэг, хүн бүрийг “нөхөр” гэж дуудах ёстой, харин зарим<br />
эмэгтэйн хувьд хэн нэгэн санамсаргүй ингэж дуудах явдал бий) Тэр эмэгтэйн нүүрний<br />
үрчлээсэнд тоос шингэсэн юм шиг сэтгэгдэл зарим хүнд төрдөг бөгөөд тэрээр гуч эргэм<br />
настай боловч их хөгшин харагддаг юм. Виктори орон сууцны байшин нь 1930-аад оны үед<br />
баригдсан ба нурж эвдэрч байгаа болохоор бараг өдөр тутам гардаг засварын ажил нь<br />
ядаргаатай аж. Хана дээврийн шавар нь дандаа унаж, хүйтрэх бүрт усны хоолойнууд нь<br />
хагарч, цас орохоор дээвэр нь гоожиж, эдийн засгийн хэмнэлт гаргах шалтгаанаар бүрмөсөн<br />
хаачихаагүй л бол дулааны паар нь хагас дутуу ажиллаж байдаг. Өөрийнхөө хүчээр хийж<br />
чадахаас бусад засварын ажлыг хаа нэг газар байдаг хорооны зөвшөөрлөөр хийдэг ба тэдгээр<br />
нь цонхны раамын засварыг хоёр жил хүртэл хүлээлгэж байж хийдэг юм.<br />
"Том гэртээ байхгүйгээс л ийм юм болчихлоо” гэж Хатагтай Парсонс үглэнэ.<br />
Парсонсынхны байр нь Смитийнхээс том, гэхдээ ямар нэг зэрлэг догшин араатан дөнгөж<br />
саяхан дайраад гарсан юм шиг бүх юм нь энд тэндээ хонхойчихсон, цөм цохичихсон, эвдэрч<br />
хэмхэрсэн балиар заваан харагдана.<br />
Тоглоомын хэрэгслүүд болох хоккейн түлхүүр, боксын бээлий, хагархай бөмбөг, эргүүлчихсэн<br />
хөлстэй богино өмдийг шалан дээгүүр энд тэнд тарааж хаясан байна. Ширээн дээр заваан<br />
хоолны үлдэгдэл, хуудасны үзүүр нь нугларчихсан дасгалын дэвтрүүд байна. Ханан дээр<br />
Залуучуудын Холбоо ба Тагнуулчдын час улаан дарцаг, Их Ахын бүтэн зураг бүхий зурагт<br />
хуудас өлгөөстэй байна. Өрөөнд нөгөөх бүх л байшинд тарсан чанасан байцааны үнэр, тэхдээ<br />
анх удаа үнэртэхэд л андашгүй мөртлөө яагаад ийм үнэр гарч буйг нь хэлэхийн аргагүй хамар<br />
цоргиулсан биеийн хулмасны хурц үнэрээр хачирласан, одоо энд байхгүй хэн нэгэн хүний<br />
үнэр ханхалж байлаа. Хажуугийн өрөөнд хэн нэгэн хүн теледэлгэцнээс гарч буй цэргийн<br />
хөгжмийн хэмнэлийг дагалдан үсний сам, ариун цэврийн цаасны тасархайгаар товшиж<br />
байна.<br />
“Хүүхдүүд тоглож байна. Эд нар өнөөдөр гадаа гараагүй юм. Тэгээд л” гэж Хатагтай Парсонс<br />
нөгөө өрөө рүү эмээсхийн харж хэллээ.
Change language