1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
IV<br />
Смитийн бие овоо тэнхэрлээ. Тэрээр таргалаад өдрөөс өдөрт бие нь сайжирч байна.<br />
Шоронгийн өрөөнд урьдын адил хурц гэрэл тусч дүнгэнэх дуу гарсаар байгаа ч өрөө нь<br />
өмнөхөөсөө арай тохьтой болсон аж. Өрөөнд нь жижиг сандал, хавтгай модон ор дээр нь<br />
дэвсгэр, дэр тавьсан байна. Түүнийг усанд оруулж онгоцонд сууж биеэ угаахыг нь үе үе<br />
зөвшөөрдөг болсон юм. Шинэ дотуур цагаан хувцас, баадай тавьж өгөөд халуун ус хүртэл<br />
өгдөг болсон аж. Хөлийн судасны шархыг нь ямар нэг өвчин намдаах тос түрхэн боож үлдсэн<br />
хэдэн шүдийг нь авч хиймэл шүд хийж өгчээ.<br />
Хэдэн долоо хоног, магадгүй хэдэн сар ч өнгөрчээ. Одоо тогтмол хооллодог болсон юм шиг<br />
болохоор цаг хугацааг ч барагцаалж болох бололтой. Тэрээр өдөрт гурван удаа хоол өгдөг<br />
болсон юм байна гэж бодлоо. Харин хоолыг өдрөөр өгч байна уу, шөнөөр өгч байна уу гэж<br />
гайхширан бодно. Хоол нь гайхмаар сайн байх бөгөөд өдөрт нэг удаа махтай хоол өгдөг<br />
болжээ. Түүнд нэг удаа хайрцаг янжуур хүртэл өгчээ. Түүнд шүдэнз байгаагүй боловч хоол<br />
зөөдөг үг дуугардаггүй хуяг тамхийг нь асааж өгсөн. Анх тамхи татахад дотор муухайрч<br />
байсан ч гэсэн тэрээр тэвчиж өнгөрөөгөөд хоолны дараа хугас янжуур алгуурхан татаж байв.<br />
Түүнд буланд нь харандаа уячихсан цагаан занар самбар өгснийг эхний үед ашигласангүй.<br />
Сэрүүн байхдаа ч бие нь хөшчихсөн байдаг байсан. Тэрээр хөөлны хооронд орон дээрээ<br />
хөдөлгөөнгүй хэвтээд унтчихдаг, эсвэл мөрөөдөлдөө автан хэвтдэг бөгөөд ийм үед нүдээ арай<br />
л гэж нээдэг байлаа. Одоо нүүрэн дээрээ хурц гэрэл тусч байхад унтаад бүр дасчихсан.<br />
Түүнд энэ нь ямар ч ялгаагүй бөгөөд харин зүүд нь хоорондоо их уялдаатай аж. Энэ үеийн<br />
бүх зүүд нь дандаа аз жаргалтай зүүд байв. Тэрээр аз жаргалтай оронд аугаа том,<br />
гайхамшигтай сайхан туурь дунд ээж, Жулия, Обрайены хамт наранд биеэ ээж суугаад ямар<br />
нэг амар жимэр юмны талаар хүүрнэлдэж байна. Сэрүүн байхад нь ийм бодол төрөхөөрөө<br />
голдуу зүүдний тухай л байдагсан. Тэрээр өвчний шаналгаа байхгүй болсон чинь оюунаа<br />
дайчлах чадвараа алдчих шиг болжээ. Тэрээр уйтгарлахаа больж хүнтэй ярих ч дургүй, өөр<br />
юм хийх ч дургүй болсон. Гав ганцаараа байж өөрийг нь байцаах, зодож нүдэхээ больсон,<br />
цадталаа хоол идэж бие нь хиргүй болсонд сэтгэл хангалуун аж.<br />
Тэр яваандаа бага унтдаг болсон авч орноосоо босох дургүй хэвээрээ байна. Тэрээр ганц<br />
юмыг л хүснэ. Амар тайван хэвтээд биеийнхээ хүч тамир сэргэж буйг мэдрэх явдал юм.<br />
Тэрээр булчингаа бүдүүрч арьсаа сэргэж буйг үнэн эсэхэд итгэж ядан биеэ гараараа тэмтрээд<br />
таргалж байгаагаа улам бүр мэдэрлээ. Ташаа нь ямар ч гэсэн өвдөгнөөс нь бүдүүн болсон<br />
байна. Ингээд дурамжхан ч гэсэн бага зэрэг дасгал хийдэг боллоо. Тэрээр өрөөндөө алхаагаа<br />
хэмжсэнээр гурван километр явж чаддаг болсон. Нуруу нь ч жаахан тэгширсэн, арай хүнд<br />
дасгал хийх гэж оролдсон боловч хачирхалтай бөгөөд харамсалтай нь хүч хүрэхгүй байна.<br />
Тэрээр гүйж чадахгүй, сунгасан гар дээрээ жижиг сандал даахгүй, нэг хөл дээрээ зогсож<br />
чадахгүй унаж байна, явган суугаад арай гэж босоход өвдөг гуя нь тэсэхүйеэ их өвдөнө,<br />
уруугаа харж хэвтээд хоёр гараа тулан өндийх гэтэл цээжээ ч өндийлгөж чадсангүй. Харин<br />
хэдэн өдөр, хэдэн удаа хооллосны дараа ингэж чадаж гавьяа байгууллаа. Нэг хэсэг хугацаа<br />
өнгөрсний дараа гар дээрээ зургаан удаа өндийж чадсан юм. Тэрээр өөрийнхөө биеэр бахдах<br />
болж нүүр минь хүртэл хүний нүүр шиг болж байгаа байх гэж заримдаа итгэдэг боллоо. Нэг