1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
сайн өдөр Гайд Паркад очдог байлаа.<br />
Тэнд очдоггүй хүн гэж байхгүй. Авралын Армийнхан, католик шашинтнууд, жүүдүүд,<br />
энэтхэгчүүд... Тэнд нэг эр байх...нэрий нь одоо мартжээ, маш сайхан үг хэлдэг хүн дээ!<br />
Тэднийг ч мөн болгож өгнө дөө! Зарц нар гэнэ. Хөрөнгөтнүүдийн гар хөл! Цус сорогчид!<br />
арай хэтрүүлж байгаа биз? Гар хөл бологсод, гар хөл бологсод гэж яг хэлж байсан. Энэ бүхэн<br />
лейбористуудыг хэлж буй хэрэг, чи ойлгож байгаа биз дээ?” гэж өвгөн дахин сэргээд хэллээ.<br />
Смит яриа авцалдахгүй байгааг ойлгов.<br />
"Та одоо урьдынхаасаа илүү эрх чөлөөтэй байна гэж бодож байна уу гэдгийг би мэдэх гэсэн<br />
юм аа. Танд одоо ипүү хүнлэг хандаж байна уу? Урьд баян хүн, эрх мэдэлтэй хүн..” гэж Смит<br />
хэлэв.<br />
“Лордуудын танхим” гэж өвгөн санагалзан хэллээ.<br />
“За тэгвэл Лордын танхимын тухай ярья л даа. Тэд баяндаа юу, ядуудаа юу, таныг яагаад дорд<br />
үздэг байсан юм бэ? Та тэд нарыг “Сэр” гэж дууддаг, тэдэнтэй дайралдахдаа малгайгаа авдаг<br />
байсан чинь үнэн шүү дээ”<br />
Өвгөн гүн бодолд автах шиг болоод хариулахынхаа өмнө шар айргаа хэд залгилав.<br />
"Тэр ч үнэн л дээ. Бидний малгайгаа өргөх нь тэдэнд таалагддаг байсаан. Хүндэтгэл л дээ.<br />
Би чамтай санал нийлэхгүй байна, гэхдээ би голдуу л тэгдэг байсан. Тэгэх ёстой байсан гэж<br />
чи хэлэх байх л даа”<br />
“Заншил болчихсон зүйл байсан. Би түүхийн номноос уншсанаа л иш татаж байна. Тэд нар,<br />
тэдний зарц нар та нарыг гудамжны муу усны суваг руу түлхээд хаячих нь бас жирийн юм<br />
байсан уу?”<br />
“Нэг тийм хүн намайг түлхчихсэн явдал бий шүү. Би үүнийг өчигдөр болсон юм шиг санаж<br />
байна. Завины уралдааны үдэш байсан юм. Завины уралдааны үдэш тэд нар их үймж<br />
шуугидаг юм. Шафсберри-авенюд нэг залууг би дайрчихдаг юм байна. Харахад дажгүй эр,<br />
гоёлын костюмтай, бортого малгайтай, хар пальтотой юм. Тэрээр явган замаар гуйвж дайвж<br />
яваад надтай мөргөлдчихсөн юм. «Чи замаа харж явах нь яадаг юм бэ?» гэж байна. «Чи энэ<br />
замыг худалдаад авчихсан юм уу?» гэлээ. «Олон юм яриад байвал чинь наад муу толгойг чинь<br />
тастна шүү» гэж байна. «Чи согтуу байна. Одоохон чамайг цагдаад өгчих нь шүү» гэлээ.<br />
Тэгтэл нөгөөх чинь цээжнээс минь барьж аваад намайг шидчихсэн чинь би арай л автобус<br />
доор ойчсонгүй, хачин байгаа биз? Би тэхэд залуу ч байлаа, эргүүлээд цохичихож болох<br />
байлаа, гэтэл...<br />
Өвгөний дурсамж гэдэг нь үл ялих юмны цуглуулга гэмээр байсан тул Смит аргаа барлаа.<br />
Өвгөнийг өдөржингөө шалгаасан ч олигтой юм дуулахгүй нь. Намын түүх тэхлээр ямар нэг<br />
талаар үнэн ч байж болох талтай юм, магадгүй энэ түүх бүр үнэн ч байж болох юм. Смит<br />
одоо сүүлчийнхээ оролддогыг хийв.