1984
Create successful ePaper yourself
Turn your PDF publications into a flip-book with our unique Google optimized e-Paper software.
III<br />
Чиний санаа боддын тогтворжуулалт гурван үеэс бүрдэнэ: сурах, ухаарах, үнэмших. Чи одоо<br />
хоёрдох үедээ орох цаг болжээ гэж Обрайен хэллээ.<br />
Смит урьдынх лугаа нэгэн адил орон дээрээ хэвтэж байлаа. Хүлээс нь нэг их чанга барихгүй<br />
байна. Хүлээс нь түүний биеийг ор руу нь барих боловч тэрээр одоо өвдгөөрөө хөлөө<br />
хөдөлгөдөг, толгойгоо зүүн баруун тийшээ эргүүлдэг, гараа тохойлдон хөдөлгөдөг болсон аж.<br />
Тэрээр багажны хуваариас урдынх шиг айж эмээхээ мөн больж хурдан сэтгэж чадах юм бол<br />
хуваарийн зүү дээшээ гүйхээс зайлж чаддаг болсон. Одоо Обрайен түүнийг тэнэг хариулт<br />
өгөхөд л бариулыг эргүүлдэг юм. Заримдаа тэдний яриа багажийг хэрэглэхгүй ч өнгөрдөг<br />
явдал гарах болсон. Тэрээр тэдний ярилндага хэдэн удаа болж өнгөрснийг санахгүй байна.<br />
Энэ бүхэн удаан үргэлжилж байна. Ганц долоо хоног биш гэдэг нь мэдээж хэрэг. Ярилцлага<br />
хоорондын завсарлага заримдаа хэдэн хоногоор, заримдаа ганц хоёр цаг байна.<br />
“Чи энд хэвтэж байхдаа үе үе боддог байсан, заримдаа надаас ч асуудаг байсан. Ямар учраас<br />
Хайрын Яам ийм их хөдөлмөр, цагаа надад зориулна вэ гэж. Чи ганцаараа үлдэхээрээ гол нь<br />
энэ асуултыг л боддог байсан. Чи өөрийнхөө амьдарч байгаа нийгмийн механикийг ойлгож<br />
байгаа боловч түүнийг хөдөлгөгч шалтгааныг ойлгохгүй байна. Чи өдрийнхөө тэмдэглэлд<br />
«Би яаж гэдгийг ойлгож байна, яах гэж гэдгийг ойлгохгүй байна» гэж бичиж байснаа санаж<br />
байна уу? Чи энэ «яах» гэдгээ бодож байхдаа өөрийнхөө эрүүл ухаантай эсэхэд эргэлзэж<br />
байсан. Чи нөгөөх нотыг, Голдштейний номыг, ямар ч гэсэн хагас хугасыг нь уншсан. Чи энэ<br />
номноос урд өмнө өөрийнхөө мэдэхгүй байсан юмыг олсон уу?”<br />
"Та энэ номыг уншсан юм уу?”<br />
“Би түүнийг чинь бичсэн юм. Үнэндээ гэвэл зохиоход нь оролцсон юм. Номыг ганц хүн<br />
бичдэггүй нь ойлгомжтой шүү дээ”<br />
“Номонд өгуүлж байгаа юм үнэн үү?”<br />
“Тодорхойлсон хэсэг нь үнэн. Хөтөлбөр нь огт хэрэггүй зүйл. Мэдлэгийг далдуур<br />
хуримтлуулах, аажмаар гэгээрүүлэх, үгээгүйчүүдийн бослого гаргах эцсийн зорилго Намыг<br />
татан буулгах. Цаашаа юу гарахыг нь чи лав тааварлаж байсан биз. Үгээгүйчүүд хэзээ ч<br />
бослого гаргахгүй, мянган жилд ч, сая жилд ч гаргахгүй. Тэд бослого гаргаж чадахгүй. Чамд<br />
үүний учир шалтгааныг тайлбарлах хэрэг байхгүй. Чи өөрөө мэдэж байгаа. Зэвсэгт бослого<br />
гаргахыг мөрөөдөн санагалзаж байгаа бол түүнийгээ орхи. Намыг унагах ямар ч боломж<br />
байхгүй. Намын эрх мэдэл мөнх. Энэ үндсэн дээр л сэтгэн бодоорой”<br />
Обрайен ор руу ойртож ирлээ.<br />
“Мөнх!” гэж тэрээр давтан хэллээ. “За одоо «яаж», «яах» гэсэн асуултыг авч үзье. Нам<br />
өөрийн эрх мэддээ яаж хамгаалж байдгийг чи их, бага ч гэсэн ойлгосон. За чи одоо надад<br />
хэлээд аль, бид юунд эрх мэдэлтэй зууралдаад байгаа юм бэ. Үүний учир шалтгаан юунд<br />
байна вэ? Яриач” гэж тэрээр хэллээ.