1984
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
VII<br />
Смит нүдэндээ нулимстай сэрэхэд Жулия нойрмоглон түүнд нуруугаараа наалдаад “Юу<br />
болов оо?” гэсэн шүү юм шивнэж байна.<br />
“Би зүүдэндээ..” гэж тэрээр ярьж эхэлснээ зогсчихов. Түүнд зүүдээ үгээр илэрхийлэхэд тун<br />
ярвигтай аж. Зүүдэлсэн зүүд байна, сэрсний дараахи хэдхэн хоромд ой ухаанд нь орж ирсэн<br />
зүүдэнд хамаарах дурсамж байна.<br />
Тэрээр нүдээ аниад зүүдэндээ үзсэн бүхэндээ автагдан хэвтэж байлаа. Борооны дараахи<br />
зуны үдшийн үзэсгэлэнт байгал шиг бүхий л амьдралыг нь зурайн харагдуулсан гэрэл<br />
гэгээтэй том зүүд байлаа. Энэ бүхэн бөөрөнхий шил дотор болж буй бөгөөд шилний гадаргуу<br />
нь огторгуй, түүний доорхи дэлхий дээр хязгааргүй алсыг харж болох тунгалаг гэрэл тусчээ.<br />
Мөн түүнчлэн зүүдний шалтгаан, түүний агуулга нь гэвэл кино мэдээний сэтгүүлд гарсан<br />
гучин жилийн дараа еврей эх нялх үрээ бууны сумнаас хаацайлах гэж оролдож байтал нисдэг<br />
тэрэг тэр хоёрыг зад бөмбөгдөхөд давтагдсан эхийнх нь гарын хөдөлгөөн байлаа.<br />
“Би энэ хормыг хүртэл эхийгээ алчихсан гэж бодож байсныг минь чи мэдэх үү?” гэж Смит<br />
ярилаа.<br />
-“Яах гэж алсан юм бэ?” гэж Жулия асуулаа.<br />
-“Үгүй, би түүнийг алаагүй. Амь насыг нь хороогоогүй”<br />
Тэрээр зүүд дундаа эхийгээ сүүлчийн удаа харснаа санасан бөгөөд сэрсний дараахи хэдхэн<br />
хоромд тэр өдөр болсон аар саар үйл явдлыг эргэн саналаа. Тэрээр олон жилийн туршид энэ<br />
дурсамжаа санахгүй байхыг хичээж байсан байж магадгүй юм. Энэ дурсамж чухам ямар үед<br />
хамаарахыг сайн санахгүй байгаа ч гэсэн тэрээр арав гаруй настай, бараг арван хоёр настай<br />
байсан байх нь ээ.<br />
Эцэг нь бүр өмнө өөрийнх нь санаж байгаагаас хамаагүй өмнө алга болсон юм.<br />
Тэр үеийн хурцадмал, замбараагүй байдал санаанд тодхон үлджээ. Агаараас довтлох үед үе үе<br />
үүсдэг үймээн сандралаас болж метронд олон цагаар хоргодож суух, хаа хаагүй дайралдах<br />
байшннгийн бөөн нуранги, гудамжны булан бурт наасан үл ойлгогдох уриалга, адилхан<br />
цамцтай дээрэмчин залуус, талхны дэлгүүрийн үүдэн дэх урт дараалал, алсад сонсогдох<br />
пулемёт галлах чимээ, хамгийн гол нь үргэлж өлмөн зэлмэн явах. Тэрээр өдрийн ихэнхийг<br />
бусад хүүхдийн хамт байцааны гол, төмсний хальс хайж хогийн сав, угаадасны нүх ухдаг,<br />
заримдаа үнсний хог дотроос шатсан талхны хэлтэрхий олж үнсийг нь их нямбай цэвэрлэдэг<br />
байсан, малын тэжээл зөөдөг машины зам тосон хүлээж замын хонхорхойд машин донслоход<br />
унасан наран цэцгийн шахдас олдог байсан зэргээ санаж байлаа.<br />
Эцэг нь ор сураггүй алга болоход эх нь гайхаж хачирхсанчгүй, уйлж гашуудсанчгүй, харин<br />
тэрээр их өөрчлөгдөж билээ. Эхэээс нь сүр сүлд нь зайлчих шиг болсон. Эх нь зайлшгүй<br />
тохиолдох нэг юмыг хүлээгээд байгаа нь Смитэд хүртэл мэдрэгдэж байлаа. Тэрээр гэртээ<br />
нөгөө л хийдэг ажлаа, хоол хийх, юм угаах, юм оёх, ор засах, хог шүүрдэх, тоос шороо арчих,
Change language