1984
Create successful ePaper yourself
Turn your PDF publications into a flip-book with our unique Google optimized e-Paper software.
байгуулалтыг мэдэж ядах юм байхгүй болно. Пирамидын орой нь Их Ах юм. Их Ах алдаа<br />
гаргадаггүй ба хамгаас хүчтэй. Ололт амжилт, ялалт, шинжлэх ухааны нээлт, бүх танин<br />
мэдэхүй, цэцэн ухаан, алдар гавьяа бүхнийг түүний биечлэн оролцсон мэргэн удирддага,<br />
жолооддогоор олсон юм. Их Ахыг хэн ч хараагүй. Түүний нүүр зурагт хуудсанд, түүний дуу<br />
хоолой теледэлгэцэнд бий. Тэрээр хэзээ ч насан эцэс болохгүй гэж үзэх үндэслэл бидэнд<br />
бий, түүнийг хэзээ төрж мэндэлсэн талаар одоо ихээхэн тодорхой бус болсон. Их Ах бол Нам<br />
дэлхий дахинд өөрийгөө харуулах дүр төрх юм. Түүний чиг үүрэг нь байгууллагад бус хувь<br />
хүнд илүү хялбар төвлөрүүлж болох хайр сэтгэл, айдас, шүтэн бишрэх болон сэтгэлийн<br />
хөдөлгөөнд нөлөөлөх явдал мөн. Их Ахын дор Дотуур Нам байна, Намын гишүүдийн тоо нь<br />
зургаан саяар хязгаарлагдана. Энэ нь Далайн Гүрний хүн амын хоёр хувиас ялихгүй бага<br />
болно. Дотуур Намын Дор Гадуур Нам байна. Дотуур Намыг улс гүрний тархи гэж үзэх юм<br />
бол Гадуур Намыг түүний гар гэж үзэж болно. Энэ бүхний дор бидний «үгээгүйчүүд» гэж<br />
нэрлэдэг үй олон хүн бий. Тэд хүн амын наян таван хувийг бүрдүүлж байгаа байх. Бидний<br />
дээр хийсэн ангиллаар үгээгүйчүүд нь Доодчуул бөгөөд нэг байлдан дагуулагчийн мэддээс<br />
нөгөөхийн мэдэлд дамжиж байдаг экваторын бүс нутгийн боолын хүн амыг нийгмийн<br />
байнгын бөгөөд шаардлагатай хэсэг гэж үзэж үл болно.<br />
Зарчмын хувьд эдгээр гурван бүлгийн аль нэгэнд багтах нь өв уламжлалын чанартай бус юм.<br />
Дотуур Намын гишүүний хүүхэд төрмөгцөө энэ Намд хамаарагдахгүй. Намын аль нэг салбарт<br />
түүнийг арван зургаан настайд нь шалгалт авч элсүүлнэ. Нам яс үндэс, газар зүйн шинж<br />
тэмдгээр шилж сонгох ёсгүй. Хамгийн дээд давхаргад еврей, негр, латин америк хүн болон<br />
цэвэр Энэтхэг хүн байж болно. Муж бүрийн захирагчийг орон нутгаас нь сонгож авна.<br />
Далайн Гүрний аль ч мужийн оршин суугч алс холын нийслэл хотоос удирдаж буй колонийн<br />
ард түмний хэсэг гэж өөрийгөө үзэхгүй. Далайн гүрэнд нийслэл хот гэж байхгүй. Улс гүрний<br />
нэр төдий тэргүүн хаа байдгийг хэн ч үл мэднэ. Англи хэл гол Ппёиа Сгапса боловч албан<br />
ёсны хэл нь Шинхэл юм. Гэхдээ үүнийг төвлөрүүлээгүй болно. Эрх баригчид элгэн<br />
төрлөөрөө бус нийтлэг номлолыг баримталдгаараа эвлэлдэн нэгдэнэ. Манай нийгэм үетсэн,<br />
маш нарийн үетсэн гэдэг нь үнэн бөгөөд тэр нь өнгөцхөн харахад өв залгамжлалаар юм шиг<br />
харагдана. Янз бүрийн бүлгийн хоорондын шилжилт хөдөлгөөн нь капитализм, аж<br />
үйлдвэржилтийн өмнөх үеийнхээс хамаагүй бага байна. Намын хоёр хэсгийн хооронд<br />
тодорхой солилцоо гарна. Тэхдээ энэ нь Дотуур Намын сул дорой гишүүдээс ангижрах эсвэл<br />
Гадуур Намын нэр төрд дуртай гишүүдэд албан тушаал дэвших боломж олгох шаардлага<br />
гарахад л явагдана. Үгээгүйчүүдэд Намд элсэх зам үнэн хэрэгтээ хаалттай. Тэдгээрээс<br />
хамгийн чадварлаг бөгөөд эсэргүүндийн голомт үүсгэж магадгүй хүнийг Сэтгэхүйн Цагдаа<br />
хараандаа аваад устгадаг юм. Харин үүнийг байнга хийх шаарддагагүй бөгөөд зарчмын<br />
асуудал ч биш юм. Нам бол энэ үгийн хуучин утгаар анги биш юм. Нам нь гишүүдийнхээ үр<br />
хүүхдэд эрх мэдлээ өвлүүлэхийг эрмэлздэггүй болно. Хамгийн чадварлаг хүмүүсийг дээд<br />
түвшинд цуглуулах боломж гарахгүй бол Нам нь үгээгүйчүүдийн дотроос удирдагчдын бүхэл<br />
бүтэн үеийнхнийг эргэлзэлгүй шилж авах болно. Нам нь үе дамжсан бус байгууллага байсан<br />
нь эгзэгтэй цаг үед сөрөг хүчнийг саармагжуулахад их тус болсон юм. «Ангийн эрх ямба»<br />
гэж нэрлэгддэг юмны эсрэг тэмцэж сурсан хуучин маягийн социалист үзэлтэн үе дамжсан<br />
бус юм болгон байнгын бус гэж үздэг байсан юм. Социалист үзэлтэн нь олигархийн үе<br />
залгамжлал заавал биологийн гаралтай байх албагүй гэдгийг ойлгож байсан ба үе дамжсан<br />
язгууртан нь үргэлж удаан тогтдоггүй байхад католик сүм хийд шиг шилэн сонголтоор бий<br />
болдог байгууллага хэдэн зуун жил буюу хэдэн мянган жил оршин тогтнодгийг мөн